Шинэхэн дугаартаа Чингис хааны зургийг гутаан доромжилсон Японы "Корокоро" хүүхдийн сэтгүүлийн гуравдугаар сарын дугаарыг дэлгүүрүүд худалдаанаас татсан талаар “www.soranews24.com” сайт мэдэээллээ.
Олон сая хувилагддаг уг сэтгүүлийн шинэхэн дугаарыг Японы хэд хэдэн номын дэлгүүр худалдаанаас татаж, томоохон 680 орчим сүлжээ дэлгүүр худалдаалахыг хориглосон талаар албаныхан уламжлав.
Өнгөрсөн сарын 25-нд тус сэтгүүлийн шинэхэн дугаар худалдаанд гарсан юм. Чингис хааны зураг дээр бэлэг эрхтэн зурсан явдалд Японд ажиллаж, амьдарч буй монголчууд дургүйцлээ илэрхийлэн тус сэтгүүлийг гаргасан “Шогакүкан” хэвлэлийн компанийн өмнө эсэргүүцлийн жагсаал зохион байгуулсан юм.
Мөн жагсагчид гартаа “сэтгүүлийг эргэн тат” гэх лоозонгоор жигдэрсэн байжээ.
Энэхүү үйл явдлын дараахан тус сэтгүүлийн удирдлагууд албан ёсоор монголчуудаас уучлалт гуйсан билээ.
Б.Дэлгэрцэцэг
Уншиж байна |