Нийслэлийн Газрын албанаас мэдээлэл хийлээ. Сүүлийн үед газар эзэмшлийн гэрчилгээг хуурамчаар хийж, иргэдийг залилсан хэрэг гарсан байна. Энэ талаар өнөөдөр тайлбар хийв.
Газрын албаны дарга Э.Болорчулуун “Нийслэлийн Засаг дарга 2016 оноос орон сууцны хороолол дотор шинээр газар эзэмшүүлэхгүй гэсэн захирамж гаргасан. Гэтэл хуурамчаар үйлдсэн газрын гэрчилгээнд 2017 оны 156 тоот захирамж гэсэн байна. Тамгын газраас 156 тоот захирамжийг аваад үзэхээр гадаад томилолтын тухай байгаа юм. Мөн 94 тоот захирамж нь бас хуурамч.
Цагдаагийн байгууллагад шалгагдаж байгаа энэ зүйлсээр миний нэр төрд халдаж, гүтгэж байна. Тиймээс би цагдаагийн байгууллагад тас.мн сайтыг шалгуулна” гэсэн мэдээллийг өгч, иргэдийг залилангаас болгоомжтой байхыг анхааруулав.
Б.Энэрэл
Уншиж байна |