Монголын эрүүл мэндийн ажилтны үйлдвэрчний эвлэлүүдийн холбооноос мэдээлэл хийлээ. Тэд УИХ-ын 2017 оны 29 дүгээр тогтоолын тав, зургаадугаар заалтыг хүчингүй болгохыг шаардлаа. Энэ тогтоолоор сувилагч нарын цалинг 4000-5000 төгрөгөөр нэмэх, тэтгэвэрт гарсан албан хаагчийн оронд шинээр хүн авах боломжгүй байна. Товчхондоо төрийн үйлчилгээ чанаргүй явах нөхцөлийг бүрдүүлээд буйг тус холбооны дарга Б.Мягмар хэлж байна.
Мөн тэрбээр улсын гурван талт хэлэлцээрийг нэн даруй эхлүүлж, Засгийн газар цалин орлого, хүний нөөцийн асуудлыг зөв болгохгүй улс орон даяар сувилагч нар ажил хаяна гэдгийг мэдэгдэв.
Нэг сувилагч 6-7 хүнд үйлчлэх стандарттай аж. Гэтэл одоо 20-30 хүн үйлчилж, 2-3 хүний ажлыг давхар хийдэг. Энэ их ачаалалтай дүйцэхүйц цалин авч чадахгүй байгаагаа сувилагчдын төлөөлөл хэлж байна.
Сувилагч нар одоо сард 100 гаруй мянган төгрөгийн цалинг гар дээрээ авдаг. Цалинг багадаа нэг сая төгрөг болгохгүй бол Монголд ажиллах сувилагчгүй болж буйг мөн уламжиллаа.
Б.Учрал