Ерөнхий сайд маргааш БНХАУ-ыг зорино
2018-04-07 10:02

 

Ерөнхий сайд У.Хүрэлсүх 2018 оны 4 дүгээр сарын 8-12-нд БНХАУ-ын Төрийн Зөвлөлийн Ерөнхий сайд Ли Көчяны урилгаар БНХАУ-д албан ёсны айлчлал хийнэ. Айлчлалаар Ерөнхий сайд У.Хүрэлсүх БНХАУ-ын Төрийн зөвлөлийн Ерөнхий сайд Ли Көчянтай албан ёсны хэлэлцээ хийж, БНХАУ-ын дарга Ши Жиньпин, Бүх Хятадын Ардын Төлөөлөгчдийн Их Хурлын Байнгын хорооны дарга Ли Жаньшу нарт тус тус бараалхана. Уулзалт, хэлэлцээний үеэр талууд Монгол, Хятадын Иж бүрэн стратегийн түншлэлийн харилцааг гүнзгийрүүлэн хөгжүүлэх, тэр дундаа хоёр талын улс төр, эдийн засаг, худалдаа, хүмүүнлэг зэрэг салбарын харилцан ашигтай хамтын ажиллагааг урагшлуулах өргөн хүрээтэй асуудлыг хэлэлцэхийн зэрэгцээ бүс нутаг, олон улсын харилцан сонирхсон асуудлаар санал солилцоно.

 

Айлчлалын үеэр талууд Засгийн газар болон байгууллага, аж ахуйн нэгжүүд хоорондын харилцаа, хамтын ажиллагааг хөгжүүлэхэд чиглэсэн баримт бичгүүдэд гарын үсэг зурна. Мөн Ерөнхий сайд У.Хүрэлсүх “Монгол, Хятадын бизнес форум”-д оролцож, Засгийн газраас хэрэгжүүлж буй бодлого, үйл ажиллагааны талаар мэдээлэл хийнэ. Айлчлалын хүрээнд Ерөнхий сайд У.Хүрэлсүх “Дэлхийн хөгжлийн төлөөх нээлттэй, шинэлэг Ази” сэдвийн дор болох Азийн төлөөх Боаогийн чуулга уулзалтын нээлтэд оролцож үг хэлнэ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Shuud.mn
Сонин хачин
Монгол наадмаар эрлийз хурлийз морьд уралдахгүй шүү.
2018-04-07
irgen:
Amjilt husie 10 jil aldaj tumor zamgui mashinaar nuurs zuusun ajil duusgavar bolj shine tumur zamtai bolokhod mungu l heregtei . Ene ond ajlaa ehluuleesei .
2018-04-07
Ahmaduud:
Eronhii saidaa or zeelee bitgii nemeerei ..ur huuhed zaluus maani orond barigdaj guiclee..uls oron oroo oroor tolood zaluus maani gadaad ezentei banknii huund darluulj baina...handiv tuslamj buu av..oorsdoo oorsdiihoo hucheer amidarch sur .zaluusaa ajiltai bolgo
2018-04-07
XUJAAD OCHIJ TAILANGAA TABIJ XURALD OROLTSDOG NI YAMAR UCHIR BAINA AA>>>> TUSGAAR TOGTNOSON MONGOL UIS MUN BIZDEE
2018-04-07