Их, дээд сургуулийн босго оноог 480 болгон тогтоов
2018-4-11

Боловсрол Соёл Шинжлэх Ухааны сайд их, дээд сургуульд оюутан элсүүлэх босго оноог тогтоожээ.


БСШУС-ын сайдын 2018 оны 04-р сарын 06-ны өдрийн А/195 тоот тушаалаар 2018-2019 оны хичээлийн жилд бакалаврын хөтөлбөрт их, дээд сургуульд оюутан элсүүлэх ерөнхий шалгалтын үндэсний хэмжээний босго оноог өмчийн хэлбэр харгалзахгүй 480, коллеж орон нутгийн их, дээд сургуульд 400 оноогоор тус тус тогтоосон байна.

 

Элсэлтийн ерөнхий шалгалтын бүртгэл явагдаж буй бөгөөд энэ сарын 16-ны 18.00 цагт дуусна.

 

Шалгуулагчид бүртгүүлэхдээ дараах зүйлсийг бүрдүүлсэн байна. Үүнд:

 

Цахим үнэмлэх болон түүнтэй адилтгах баримт бичиг


Өнгөт цээж зураг файлаар / цээж зураг нь 3*4 хэмжээтэй, сүүлийн 3 сарын дотор авхуулсан, урагш цэх харсан, арын фон нь цайвар цулгуй өнгийн, нарны шил болон малгайгүй байна/


Бүрэн дунд боловсролын үнэмлэх ба түүнтэй дүйцэхүйц боловсрол эзэмшсэнийг баталгаажуулан эрх бүхий байгууллагаас олгосон баримт бичиг /энэ нь зөвхөн 2018 оноос өмнөх онд төгссөн ба гадаадад суралцаж дүйцүүлсэн шалгуулагчид хамаарна/


И-мэйл хаяг /шалгуулагч бүр зөвхөн өөрийн и-мэйл хаягтай байна/


Шалгалтын хураамжийг Хаан банк, Голомт банк, Худалдаа хөгжлийн банк, Капитрон банк, Төрийн банк, Улаанбаатар банк, Хас банкны интернэт гүйлгээний эрхтэй төлбөрийн карт, candy /1 candy = 1 төгрөг/ цахим мөнгө ашиглан шилжүүлнэ.

 

Г.Тэгшсүрэн

Shuud.mn
Сонин хачин
Эсрэг бодол:
800 онооноос ердөө 480 оноо авбал болоо юу??? Мэдлэггүй чадваргүй оюутнаар яах гээд байгаан бол??? За даа боловсрол ч ер нь утгаа алдаад бизнес л болчихсон юм шив дээ. Дээд боловсролтой худалдагч гэж байгаа. Одоо дээд боловсролтой зам талбай цэвэрлэгч л дутаад байна даа.
2018-04-11
ккк:
Энэ босго оноо амьдралд хир хэрэгждэг вэ? Үүнийг зөрчлөө гэхэд ямар нэг хуулийн хариуцлага байгаа юу???
2018-04-11