Төв аймгийн Алтанбулаг суманд байрлах Тавантолгой дахь Зэвсэгт хүчний 311 дүгээр ангид өнгөрөгч 2017 оны дөрөвдүгээр сарын 11-ны өдөр Зэвсэгт хүчний 350 дугаар анги байлдааны буудлагатай тактикийн  хээрийн сургуулилт хийж байх явцад байлдааны гар гранат дэлбэрч, хоёр цэргийн албан хаагч амь эрсэдсэн.

Амь эрсэдсэн Зэвсэгт хүчний 350 дугаар ангийн ахмад Б.Мөнгөншагайн эгч Б.Мөнхзаяа дүүдээ баатар цол нэхэн олгуулах хүсэлтэй буйгаа илэрхийлжээ.

Тэрбээр “Миний дүү эх орондоо өргөсөн тангарагтаа үнэн ч байж анд нөхөд албан хаагчдынхаа амийг аварч тэнгэрийн оронд очсон билээ. Цаг хугацаа харвасан сум шиг л хурдан өнгөрч нэг жил болсон байна. Дүүгийн минь баатарлаг гавъяаг үнэлж баатар цол нэхэн олгуулах хүсэлтэй байна” хэмээсэн байна.

Амь эрсэдсэн Зэвсэгт хүчний 350 дугаар ангийн ахмад Б.Мөнгөншагай нь гранат дэлбэрэхэд биеэрээ хааж, бусад цэргүүдийн амийг аварсан гэдэг.

Г.Тэгшсүрэн