Афганистаны Хост мужид террорист халдлага болсон талаар “Ройтерс” агентлаг мэдээллээ. Энэхүү халдлагын улмаас 17 хүн амиа алдаж, 37 хүн шархадсан гэнэ.
Террористууд цуглаан болж байсан сүм дотор халдлага үйлдсэн байна. Амиа золиослогч этгээд мөргөл үйлдэж байсан иргэдийн хажууд амиа егүүтгэсэн гэнэ. Амиа алдагсдын тоо нэмэгдэх магадлалтай байна.
Уг халдлагыг Иракийн хэт даврагч “Халифатын вант улс” үйлдсэн хэмээн эрх баригчид мэдэгдэж, харамсалтайгаар амиа алдсан иргэдийнхээ өмнөөс хариуг нь авахаа тус улсын Ерөнхийлөгч Ашраф Гани уламжиллаа.
Ерөнхийлөгч Гани “Афганистаны газар нутагт халдсан бүхэн хариугаа авна” хэмээн мэдэгджээ.
Дээрх халдлагаас хэдхэн өдрийн өмнө нийслэл Кабул хот дахь сонгогчдыг бүртгэх төвийн ойролцоо халдлага болж, 57 хүн амиа алдсан билээ. Тус улсад ирэх аравдугаар сард парламентын сонгууль зохион байгуулагдах юм.
Б.Дэлгэрцэцэг
Уншиж байна |