Ерөнхийлөгч Х.Баттулга өнгөрсөн пүрэв гаригт АТГ-ын даргаар томилуулах эрхмүүдийг нэрийг УИХ-д хүргүүлсэн билээ. Авлигатай тэмцэх газрын даргаар Даваанямын Даваа-Очирыг, дэд даргаар Жанжаагийн Батсайханыг томилуулах Ерөнхийлөгчийн саналыг УИХ дахь МАН-ын бүлэг өнөөдрийн хуралдаанаараа хэлэлцжээ. Тус намын бүлгээс хуралдааны талаар албан ёсоор мэдээлэл хийгээгүй ч АТГ-ын даргыг солих Ерөнхийлөгчийн саналыг дэмжээгүй бололтой. Өөрөөр хэлбэл өнөөгийн удирдлага Х.Энхжаргалын хуулийн хугацаа дуусаагүй учраас шинэ хүн томилох шаардлагагүй хэмээн МАН-ын бүлэг үзсэн аж.
Б.Учрал