АН: Хүүхэд бүрт мөнгө олгох байр сууриа хадгална
2018-05-07 14:20

УИХ дахь Ардчилсан намын бүлэг өнөөдөр /2018.05.07/ ээлжит хуралдаанаа хийж,  үндсэн хоёр асуудлыг хэлэлцлээ. Бүлгийн хурлаар хэлэлцсэн эхний асуудал энэ долоо хоногийн УИХ-ын байнгын хороод, нэгдсэн чуулганы хуралдаанаар хэлэлцэх хуулийн төслүүдийн талаар гишүүдийнхээ байр суурийг сонсов.

 

 

Тухайлбал,  Хөрөнгө оруулалтын банкны тухай болон хамт өргөн мэдүүлсэн бусад хуулийн төслүүдийг энэ долоо хоногт чуулганы  нэгдсэн хуралдаанаар хэлэлцэх  учир  Ажлын хэсгийн ахлахч З.Нарантуяагийн мэдээллийг сонслоо. Түүнчлэн  Монгол хүүхэд бүхэнд хүүхдийн мөнгөний тэтгэмж буюу “Хүүхдийн мөнгө” олгох тухай  УИХ-ын ажлын хэсэг байгуулагдсантай холбоотойгоор тус намын гишүүд байр сууриа солилцлоо. Өнгөрсөн долоо хоногт УИХ Засгийн газраас өргөн  мэдүүлсэн хүүхдийн мөнгийг наян хувьд нь олгох тухай, Монгол Улсын Ерөнхийлөгчийн өргөн мэдүүлсэн Монгол хүүхэд бүрт 100 хувь хүүхдийн мөнгийг олгох  тухай тухай тогтоолын төслүүдийг  хамтад нь хэлэлцэх асуудлыг дэмжин ажлын хэсэг байгуулагдсан. Тус ажлын хэсэг байгуулагдсантай холбоотойгоор УИХ дахь Ардчилсан намын бүлгийн гишүүд  хүүхдийн мөнгийг хүүхэд бүрт олгох анхны байр сууриа хэвээр хадгална гэдэгт санал нэгдлээ.

 

Нийслэлийн эрхзүйн байдлын тухай хуулийн асуудлаар санал солилцов

 

УИХ дахь Ардчилсан намын бүлгийн гишүүд өнгөрсөн 7 хоногт намын дэргэдэх залуучуудын байгууллага болох Ардчилсан залуучуудын холбооны залуустай уулзаж санал бодлыг нь сонссон бол энэ удаагийн бүлгийн хуралдаанаар нийслэлийн ИТХ дахь Ардчилсан намын бүлгийн төлөөлөлгчид болон түүний ажлын албанынхантай уулзлаа.  Уулзалтаар УИХ –аар хэлэлцэж буй Нийслэлийн эрхзүйн байдлын тухай хуулийн төсөлтэй холбоотойгоор санал солилцов. Уг хуулийн төслийг УИХ-ын байнгын хороод болон чуулганы нэгдсэн хуралдаанаар хэлэлцэх явцад УИХ дахь Ардчилсан намын бүлэг, Нийслэлийн Ардчилсан намын бүлэг хамтран  хотын хууль эрхзүйн орчноор мэргэшсэн эрдэмтэн судлаачид бусад хүмүүсийн хэлэлцүүлэг уулзалтуудыг зохион байгуулж  санал бодлыг нь сонсч  байсан. Энэ удаад  ч мөн цаашид хотын асуудал, дагуул хот, шинэ суурьшлын бүсүүдийн тухайд эрхзүйн ямар орчинг тус хуулийн төсөл хэлэлцэгдэж байх үед бүрдүүлэх нь зохимжтой  байх талаар хэлэлцлээ.

Shuud.mn
Сонин хачин
Nam bus irgen:
Ene AH MAH-iinhan songuulid yalagdahaaraa l genet ard tumendee ih hair zarlachih yumaa. 2020 ond aliig ni ch bitgii songooroi.
2018-05-08
zochin:
Hvvhdiin mongo shiidej chadahgvi ym chin busad asuudaliig yaj shiideh ve dee 76
2018-05-08
erdene vangaa zailuul
2018-05-08
танай намын хүн.:
Засаг барьж байхдаан хүүхэдгүй юм шиг цариалаад гудманд гархаараан хайргүй юм гэж байхгүй болох юм .хүүхдийн мөнгө гэж байхаар сургууль цэцэрлэг барьж ядуусыг МҮС-д хамруулж ажилийн байраар хангаж өгвөл их хэрэгтэй шүү.Амьдарлаас тасарсан араатангууд минь
2018-05-07
Зочин:
АН-ЫНХАН ТА НАР ХЭЗЭЭ УЛСАА ХОРЛОХООО БОЛИХ ВЭ, СӨРӨГ ХҮЧНИЙ НЭРИЙГ БАРЬЖ БҮХНИЙГ МУУ БАЙВАЛ САЙН ГЭСЭН ЭНЭ ХОГИЙН ҮЗЛЭЭ ТУЛГАЖ УЛС ОРНОО ХОРЛОХОО БОЛИОЧ. МАН-ЫНХАН УЛС ОРНОО Э/З-ИЙН ХЯМРАЛААС ГАРГАЧИХВАЛ БИДЭНД АШИГГҮЙ ГЭЖ ҮЗЭЭД САЙХАН СЭТГЭЛТНИЙ ДҮР ЭСГЭЖ ИНГЭЖ ТОГЛОХОО БОЛЬЦГОО. ТЭРТЭЭ ТЭРГҮЙ ХҮҮХДИЙН МӨНГӨ АВАХ ШААРДЛАГАГҮЙ АМЬДРАЛАА АВЧ ЯВАА ЧИНЭЭЛЭГ ГЭР БҮЛИЙН ХҮҮХДЭЭС ХЭМНЭСЭН ОЛОН ТЭРБУМ ТӨГРӨГӨӨР ЖИЛ БҮР ЯМАР НЭГ ДОРВИТОЙ БҮТЭЭН БАЙГУУЛАЛТ ХИЙЖ ЯДАЖ ТҮГЖРЭЛИЙГ БУУРУУЛАХ НЭГ АЛХАМ ХИЙВЭЛ ХАРИН ХҮН БҮР БАЯРЛАХ БОЛНО.
2018-05-07