Иргэд, олон нийтийн амралт чөлөөт цагаа өнгөрүүлдэг Хичээнгүй сайд Б.Цэрэндоржийн гудамжны засвар, шинэчлэлтийн ажил дуусчээ.
Нийслэлийн ЗДТГ-аас Барилгын үндэсний ассоциацитай хамтран “Автомашингүй гудамж” төслийг хэрэгжүүлэхээр болж өнгөрөгч оны наймдугаар сарын 2-нд төслийн нээлтийг хийсэн. Уг төслийн хүрээнд Сүхбаатар дүүргийн 4 дүгээр хороо Хичээнгүй сайд Б.Цэрэндоржийн гудамжны 11000 м.кв талбай газарт явган зам талбай, гэрэлтүүлгийн орчин үеийн шийдэл, ногоон байгууламж бүхий тохижилт, газрын 0 тэнхлэгээс доош үйлчилгээний байгууламж барихаар төлөвлөж байв.
Гэвч иргэд эсэргүүцсэн тул уг шийдвэрийг цуцалж, Нийслэлийн Засаг дарга бөгөөд Улаанбаатар хотын Захирагч С.Батболд /2018.04.04/ захирамж гарган Хичээнгүй сайд Б.Цэрэндоржийн гудамжийг хэвээр үлдээн, иж бүрэн тохижуулахыг холбогдох албаныханд даалгасан.
Хотын дарга Хичээнгүй сайд Б.Цэрэндоржийн гудамжийг иргэдийн эрүүл, аюулгүй орчинд амьдрах эрхийг хангах шаардлагад нийцүүлэн орчин үеийн архитектур төлөвлөлтийн шилдэг шийдлийн дагуу иж бүрэн тохижуулахыг холбогдох ажилтнуудад даалгасан юм.
Тохижилт, шинэчлэлтийн ажил дуусах шатандаа орж, Б.Цэрэндожрийн гудамжийг нээжээ. Ингээд Нийслэл хотод өнгө, үзэмж нэмсэн шинэхэн цэцэрлэгт гудамж гэрэл зургийг хальсанд хэрхэн буусныг сонирхуулж байна.
Г.Сүрэн
Уншиж байна |