АНУ-ын Төрийн нарийн бичгийн дарга Майк Помпео гурав дахь удаагаа Хойд Солонгосын нийслэл Пхеньян хотноо айлчлахаар хүрэлцэн ирсэн талаар тус улсын төрийн мэдлийн “KCNA” агентлаг мэдээллээ.
АНУ-ын төрийн далбаатай онгоц дөнгөж сая Пхеньяны "Сунан" олон улсын нисэх буудалд амжилттай газардсан аж.
Помпео болон бусад албаны хүмүүсийг Хойд Солонгосын эрх баригч "Хөдөлмөрийн нам"-ын нэгдсэн фронтын хэлтсийн дарга, генерал Ким Ён Чол угтан авчээ.
Тэд цаг үеийн асуудлаар хэлэлцэх бөгөөд "Помпеогийн Пхеньянд хийж буй айлчлалын гол зорилго бол тус улсын залуу удирдагч Ким Чен Унтай уулзах" хэмээн өмнө нь Цагаан ордны хэвлэлийн төлөөлөгч Сара Сандерс мэдэгдсэн юм.
ТРАМП-КИМ нарын дээд хэмжээний уулзалт өнгөрсөн сард Сингапур улсад амжилттай зохион байгуулагдсан. Энэхүү уулзалтын үеэр Ким Чен Ун цөмийн хөтөлбөрөөс татгалзахаа амласан билээ.
Түүний амлалт хэр ажил хэрэг болж буйг шалгахаар Помпео Пхеньянд айлчилж буй талаар орон нутгийн хэвлэлийнхэн мэдээлэв.
Б.Дэлгэрцэцэг
Уншиж байна |