ЗГХЭГ-ын Тэргүүн дэд даргаар Г.Баясгалан томилуулахаар тогтоол гаргажээ
2018-7-31

Төрийн албаны зөвлөлөөс Засгийн газрын Хэрэг эрхлэх газрын Тэргүүн дэд даргын албан тушаалд Гунгаагийн Баясгаланг томилуулахаар тогтоол гаргаж Засгийн газарт хүргүүлсэн байна.

 

Гэрэл зургийг MPA.MN

 

Ингэхдээ нээлттэй сонгон шалгаруулалтын дүнг үндэслэжээ. Тодруулбал, Төрийн албаны зөвлөл уг албан тушаалд томилогдох удирдах ажилтны нээлттэй сонгон шалгаруулалтыг холбогдох хууль тогтоомжийн дагуу нийтэд зарлан мэдээлж, зохион байгуулахад шалгалтад дөрвөн иргэн өрсөлдсөн байна.

 

Сонгон шалгаруулалтыг цахим систем болон долоон бүрэлдэхүүн шалгалтын хүрээнд зохион байгуулсан бөгөөд тэнцсэн иргэдийг нөөцөд бүртгэж, эдгээр иргэдээс Хууль зүй, дотоод хэргийн яамны Төрийн нарийн бичгийн даргаар ажиллаж байгаа Г.Баясгалан сонгон шалгаруултын үнэлгээгээр хамгийн өндөр оноо авчээ.

 

Эх сурвалж: Төрийн Албаны Зөвлөл

Shuud.mn
Сонин хачин
иргэн:
Шууд томил,баяр хүргэе
2018-07-31
Баянхонгор нутгийнхан...
2018-07-31