ОХУ, БНХАУ болон Монгол Улс хамтран “ВОСТОК 2018” гэх томоохон цэргийн сургуулилт хийхээр тохиролцсон талаар “www.dailystar.co.uk” сайт мэдээллээ.

Уг цэргийн сургуулилт хаана, хэзээ болох албан ёсны тов гарсан байна.

Гурван улсын хамтарсан цэргийн сургуулилт ирэх есдүгээр сарын 11-15 өдрүүдэд Оросын эх газарт зохион байгуулагдах гэнэ.

БНХАУ-ын Батлан хамгаалах яам “Хамтарсан цэргийн сургуулилтад манай улс 3,200 цэргийн албан хаагч, 900 техник зэвсэг, 30 нисэх онгоцыг оролцуулахаар болсон” гэж мэдэгджээ.

Монголоос хэдэн цэрэг оролцох нь тодорхойгүй байна.

ОХУ болон БНХАУ стратегийн түншлэлийн харилцааг бэхжүүлэх зорилгоор энэхүү цэргийн сургуулилтыг зохион байгуулж буй гэнэ.

“Нийт 300,000 цэргийн албан хаагч 1,000 гаруй техник төхөөрөмж оролцуулахаар болсон. Мөн БНХАУ, Монгол Улсын цэргүүд хамтарсан сургуулилтад оролцохоор тохиролцсон” талаар ОХУ-ын Батлан хамгаалах яамны сайд Сергей Шойгу мэдэгдлээ.

Б.Дэлгэрцэцэг