Бөөрний төвд 67 сая төгрөгийн үнэтэй допплер аппарат бэлэглэв
2018-8-30
Гэрэл зургийг MPA.mn

 

“Оюу толгой” компанийн гүйцэтгэх захирал Армандо Торрес Улсын Нэгдүгээр Төв Эмнэлэг (УНТЭ)-ийн Бөөрний төвийн Бөөр Судлалын Тасагт 67 сая төгрөгийн үнэ бүхий зүүний чиглүүлэгчтэй Допплер хэт авиан хамгийн орчин үеийн аппарат гардуулж /2018.08.29/ өглөө. Тус арга хэмжээнд УНТЭ-ийн Ерөнхий захирал Д.Чулуунбаатар, Эмнэлзүй эрхэлсэн захирал Д.Цэцгээ, Стратеги төлөвлөлт эрхэлсэн захирал Д.Далайжаргал Оюу толгой ХХК-ны Гүйцэтгэх захирал Армандо Торрес, Эрүүл мэндийн яамны төрийн нарийн бичгийн дарга Э.Содномжамц, Эмнэлгийн тусламжийн бодлогын газрын дарга М.Баттүвшин  УНТЭ-ийн Бөөрний төвийн эрхлэгч Д.Чулуунцэцэг нарын төлөөлөгчид оролцов.

 

УНТЭ-ийн Ерөнхий захирал Д.Чулуунбаатар "Монгол улсын хүн амын дунд сүүлийн жилүүдэд бөөрний эмгэгийн улмаас бөөр орлуулах эмчилгээнд хамрагдах хүний тоо нэмэгдэж байна. Өөрөөр хэлбэл өнөөгийн байдлаар улсын хэмжээнд бөөр шилжүүлэн суулгасан 283, гемодиализ  эмчилгээнд 654, хэвлийн диализ эмчилгээнд 52 хүн хамрагдаад байна. Биопсийн шинжилгээг хийхэд зүүний чиглүүлэгчтэй датчикгүй, доплер эхо хүрэлцээгүйн улмаас бөөрний биопси хийх ажилбарын хугацаа уртсах, хүндрэл гарах эрсдэл нэмэгдэх, хатгалтын дараах хяналт хязгаарлагдмал байх зэрэг бэрхшээлүүд байсан дээрх DC-60 аппаратыг Оюу толгой ХХК-наас хандивласнаар Монголын бөөр судлалын салбарт бөөрний эмгэгийг оношлох “Алтан стандарт” болсон бөөрний биопсын шинжилгээг олон улсын жишигт нийцүүлэн технологийн өндөр түвшинд хийх болно. Оюутолгой ХХК-ний хамт олонд болон ноён Армандо Торрес танд талархаж байна. Монголын ард түмний төлөө та бүхний хийж буй буянтай үйлс арвижих болтугай" гэв.

 

Гэрэл зургийг MPA.mn

 

“Оюу толгой” компанийн гүйцэтгэх захирал Армандо Торре "Энэхүү төхөөрөмж нь Монголын эмнэлгийн үйлчилгээнд нэвтэрч байгаа энэ төрлийн анхны аппарат юм. Цаашид энэ аппаратын тусламжтайгаар олон өвчтөнд амин чухал хэрэгцээтэй үйлчилгээг өндөр түвшинд үзүүлнэ гэдэгт итгэлтэй байна. Мөн гадаадад эмчилгээнд авах боломжгүй хүмүүс, тэдний ар гэрийнхэнд ач тусаа өгнө гэдэгт итгэж байгаа. “Оюу толгой" компанийн үйл ажиллагааны цөм нь эрүүл мэнд, аюулгүй ажиллагаа байдаг билээ. Иймд бид цаг ямагт эрүүл мэнд, аюулгүй ажиллагааны чиглэлээр шилдэг туршлагаа бусадтай хуваалцахад бэлэн байдаг юм" гэлээ.

 

Мөн  Бөөрний төвийн их эмч Д.Хурцбаяр "Сүүлийн жилүүдэд бөөрний өвчний эцсийн шат буюу бөөрийн архаг дутагдалын тоо нэмэгдэж байгаа. Энэ өвчлөлөөс сэргийлэхийн тулд бөөрийг эрт үед нь оношилж, эмчилгээний чанарыг сайжруулах шаардлагатай болдог. Тэгэхээр энэхүү эхо аппарат нь бөөөрний эрт үеийн эдийн шинжилгээ авахад зориулсан, судас харах зориулалттай өнгөт допплер, эдийн шинжилгээ хийхэд зориулсан чиглүүлэгчтэй эхоны хамгийн сүүлийн үеийн энэ онд үйлдвэрлэгдсэн аппарат юм. Энэ аппаратыг “Оюу толгой” компани  сая төгрөгийн хөрөнгийг гарган авч өглөө" гэв. 

 

Гэрэл зургийг MPA.mn

 

Гэрэл зургийг MPA.mn

 

Гэрэл зургийг MPA.mn

 

Shuud.mn
Сонин хачин