Малайзын Теренггану мужийн удирдлагууд лесби эмэгтэйчүүдийг олны өмнө ташуурдаж, шийтгэсэн талаар “www.malaymail.com” сайт мэдээллээ. 100 гаруй хүнийг гэрчээр оролцуулсан аж. Тэднийг шариатын шашны хуулийн дагуу шийтгэсэн байна.

22, 32 настай эмэгтэйчүүдийг машиндаа бэлгийн харьцаанд орохыг завдсан хэмээн хуулийнхан баривчилсан гэнэ. “Эмэгтэйчүүдийг үйлдэл дээр нь баривчилсан. Тэд нүглээс зугтах ямар ч боломжгүй” хэмээн албаныхан мэдэгдэв.

Тус мужид анх удаагаа лесби хосыг шийтгэж байна.

Малайзын Эмэгтэйчүүдийн эрхийг хамгаалах байгууллага “Ройтерс” агентлагт “Хүний эрхийн ноцтой зөрчлийн улмаас эмэгтэйчүүд гүн цочролд орсон” гэж ярьжээ.

Теренггану мужийн Захирагч Сатифул Бахри Мамат “Нийгэмд цочроо өгөхийн тулд эмэгтэйчүүдийг олны өмнө шийтгэсэн болно” гэж мэдэгдэв.

Б.Дэлгэрцэцэг