Нөхөн сонгуультай холбоотой асуудлаар мэдээлэл хийнэ
2018-9-5

 

Сүхбаатарын талбайд

 

09:00-18:00 цагт Азийн улс орнуудын дунд 1980-аад оны үед үүссэн эрхийн төлөөх "TRY" хөдөлгөөнийг Монгол улсад 2011 оноос хөгжлийн бэрхшээлтэй иргэдийн бие даан амьдрах төв болох "Түгээмэл хөгжил" ТББ хөдөө орон нутгаар зохион байгуулж ирсэн. Энэхүү арга хэмжээг ХНХЯ-аас дэмжлэг үзүүлэн хамтран ажиллаж ирсэн билээ. Энэ удаад анх удаа UB TRY нэртэйгээр УБ хотын Сүхбаатар дүүрэгт байрлах төрийн болон олон нийтийн үйлчилгээний газар мөн тэдгээрийн хоорон дох гудамж талбайгаар зохион байгуулах гэж байна. Энэ хүрээнд тэргэнцэртэй иргэд маань сайн дурын туслах залуусын хамтаар явган аялал хийж, очсон байгууллага бүртээ нөлөөллийн ажил, хүртээмжийн үнэлгээг хийх болно. УТАС: 99267408, 94030345

 

НЗДТГ-ын А танхимд

 

09:30 цагт НИТХ-ын Тэргүүлэгчид хуралдана. Хуралдаанаар Үндэсний цэцэрлэгт хүрээлэнд хийсэн шалгалтын тухай болон Нийслэлийн худалдаа, үйлчилгээний нийтлэг журам батлах тухай хэлэлцэнэ. Сэтгүүлчид мэдээ, сурвалжлага бэлтгэх болон холбогдох асуудлын хүрээнд тодруулга авч болно. /88058053/

 

МХЕГ-ын 2 давхарын хурлын танхимд

 

10.00-12.00 цагт "Импортын гоо сайхны барааны эрүүл ахуйн хяналт, анхаарах асуудал" сэдвээр импортлогч ААН, улсын байцаагчдад сургалт хийгдэнэ. Энэ төрлийн бүтээгдэхүүнд тавигдах хяналт шалгалт, хууль эрх зүйн орчин болон гоо сайхны бараанд агуулагдах химийн нэмэлт бодисын эрүүл мэндийн аюулгүй байдлын талаар сургалт хийгдэнэ.

 

Нийслэлийн цагдаагийн газрын 108 тоот өрөөнд

 

11.00 цагт Цагдаагийн байгууллагаас насанд хүрээгүй хүмүүсийн холбогдсон гэмт хэрэг, түүнээс урьдчилан сэргийлэх чиглэлээр хийж буй үйл ажиллагаа болон цахим гэмт хэргийн эсрэг эхлүүлж байгаа "UNFRIEND хөдөлгөөн"-ий талаар мэдээлэл хийнэ. Холбоо барих утасны дугаар: 8876-7828

 

MN-Мэдээллийн төвд

 

11.30 МАХН-аас УИХ-ын сонгуулийн 42 дугаар тойргийн нөхөн сонгуультай холбоотой асуудлаар мэдээлэл хийнэ.

 

ХУД-ийн 10-р хорооны 34, 35 дугаар байранд

 

12.00 цагт УИХ-ын гишүүн Б. Энх-Амгалан БХБЯ-ны стратеги бодлого төлөвлөлт, аюулгүй ажиллагааны газрын дарга, нийслэлийн ерөнхий төлөвлөгөөний газрын холбогдох албаны хүмүүсийг ХУД-ийн 10-р хорооны ашиглалтын шаардлага хангахгүй болж, хүн амьдрах боломжгүй болсон 34, 35-р байрны нөхцөл байдлыг үзүүлэн, тус 2 байрны иргэдийг шинээр байр баригдтал нүүлгэн шилжүүлэх арга хэмжээ авахаар ажиллана.

 

Гадаад харилцааны яаманд

 

14.00 цагт "Монгол Улсын Тогтвортой хөгжлийн төлөв" тайлангийн нээлт болно.

Shuud.mn
Сонин хачин