Багш нар ажил хаялтаа зогсоогоогүй

Ерөнхий боловсролын сургуулийн багш нар өнгөрсөн даваа гаригаас эхлэн ажил хаялт зарлаад буй. Тэд цалингаа 50 хувиар нэмэх шаардлагыг тавиад буй юм.
Үйлдвэрчний эвлэлийн холбогдох албаныхан болон ажил хаялт зарласан багш нарын төлөөлөл өнөөдөр Засгийн газрын хэрэг эрхлэх газрын дарга Г.Занданшатартай уулзсан байна. Уулзалтаар багш нарын асуудлыг судлах ажлын хэсэг байгуулах саналыг тавьсан. Харин энэ саналыг ажил хаялт зохион байгуулагчид яг одоо хэлэлцэж байгаа аж. Багш нар ажил хаялтаа зогсоосон гэх шийдвэр одоогоор гараагүй гэдгийг МҮЭХ-ноос мэдээллээ.
Б.Учрал
СЭТГЭГДЭЛ БИЧИХ