БНХАУ-ын нийслэл Бээжин хотноо Африк тивийн олон орны удирдагчид хуран чуулсан билээ. Уг дээд хэмжээний уулзалтын үеэр БНХАУ-ын Ерөнхийлөгч Си  Зиньпин болон Кенийн Ерөнхийлөгч Ухуру Кенятань нар уулзсан юм. 

Тэгвэл уг үйл явдлын дараа Кени улсад бизнес эрхэлдэг Лю Жячи  гэх хятад эр Кенийн тэргүүнийг доромжилж буй бичлэгээ нийгмийн сүлжээнд байршуулсан аж.

Тэрбээр "Кенийн иргэд, тэр тусмаа Ухуру Кенятань яг л сармагчин шиг" хэмээн хэлжээ. Уг бичлэгийг хийсэн нэгэн ажилтан "Та ийнхүү боддог бол нутаг буцсан дээр" гэж зөвлөсөн байна. Хариуд нь бизнесмэн эр "Би энд байхыг үзэн ядаж байна. Бүгд сармагчин шиг хүмүүс. Тэд яагаад цагаан арьстанууд шиг байж болдоггүй юм бэ. Би мөнгөний төлөө энэ улсад бизнес эрхэлж байна" гэж хариулав. 

Энэхүү бичлэг нийгмийн сүлжээнд нийтлэгдсэн даруй Кенийн цагдаагийнхан хятад эрийг баривчилсан гэнэ. 

Хятад эрийг арьс өнгөөр ялгаварлан гадуурхсан хэмээгээд Кени улсаас албадан гаргахаар болжээ.

Б.Дэлгэрцэцэг