Ерөнхий боловсролын сургууль, цэцэрлэгийн багш нар ажил хаялт зарлаад цөөнгүй хоног өнгөрч байна. Тэд энэ долоо хоногоос эхлэн төв талбайд цуглаан хийж, суулт зарлаж эхэлсэн. Цалингаа нэмүүлэх шаардлага тавьж буй багш нарын суулт өнөөдөр мөн үргэлжиллээ.
Багш нарын цалин нэмэх асуудлаар Засгийн газрын хэрэг эрхлэх газрын дарга Г.Занданшатарын ахалсан ажлын хэсэг ажиллаж буй. Харин тус ажлын хэсгийн ажил ахицгүй, үр дүнгүй байна гэж МҮЭХ-ноос үзэв. Тиймээс тус холбооноос багш нарын асуудлаар Ерөнхий сайд У.Хүрэлсүхэд хандлаа. Ингэхдээ Ерөнхий сайдыг үүсээд буй асуудалд онцгой анхаарал хандуулахыг хүссэн байна.
Б.Учрал