Зам тээврийн хөгжлийн сайд Ж.Бат-Эрдэнийг өнөөдрийн УИХ-ын чуулганы нэгдсэн хуралдаанаар үүрэгт ажлаас нь чөлөөллөө. ЗТХЯ-нд үйлдэгдсэн хүн амины хэргээс үүдэн тэрбээр ажлаа өгөх хүсэлтээ гаргаад байсан юм.
Энэ тухайгаа Ж.Бат-Эрдэнэ өөрийн цахим хуудсанаа "...болсон хэрэгтэй холбогдуулан улстөрийн хариуцлага хүлээж ажлаас чөлөөлөгдөх өргөдлөө өгснийг өнөөдрийн УИХ-ын чуулганаар шийдвэрлэж ЗТХ-ийн сайдын үүрэгт ажлаас чөлөөллөө. Сайдаар ажиллаж байх хугацаанд болсон энэ харамсалтай явдлаас болж монгол төрийн албаны нэр хүнд унаж, нэгэн сайхан залуугийн маань эхнэр, аав ээж, гэр бүл 4 хөөрхөн хүүхэд, ах дүү анд нөхөд нь өнчирч үлдсэн эмгэнэлт явдалд дахин уучлал гуйж байна. Сайдын үүрэгт ажлаа өгсөн ч УИХ-ын гишүүний хувьд төрийн албыг цаашид эрүүлжүүлж цэвэршүүлэх, чадваржуулахын төлөө чадах бүхнээ хийж ажилланаа" хэмээн бичжээ.
Б.Учрал
Уншиж байна |