Өмнөд Солонгосын экс Ерөнхийлөгч Ли Мюн Бакыг эрх мэдлээ урвуулан ашигласан, авлига авсан гэх олон хэрэгт буруутган, хоёр сарын өмнө прокурорууд баривчилсан билээ.
Тэрбээр өөртэй нь холбоотой бүх хэргийг эрс үгүйсгэж байна.
Сөүл хотын шүүх экс тэргүүнийг буруутай хэмээн үзэж, 15 жилийн хорих ял оноосон талаар "Ройтерс" агентлаг мэдээллээ.
Ли Мюн Бак шүүхийн шийдвэртэй санал нэгдэхгүй гэдгээ илэрхийлэн, давж заалдахаа илэрхийллээ. Шүүхээс түүнийг давж заалдахад нь долоо хоногийн хугацаа олгожээ.
Тэрбээр 2008-2013 оны хооронд Хөх ордны тэргүүнээр ажилласан билээ.
Ли Мюн Бакын залгамжлагч гэгдэх, тус улсын анхны эмэгтэй Ерөнхийлөгч Пак Ын Хэ авлигын хэргээр 33 жилийн ял сонссон юм.
Б.Дэлгэрцэцэг
Уншиж байна |