“Бид бүхэн баярласан, бахархсан, тухайлбал Төрийн дууллаа сонссоны дараа уухайлахдаа, хурайлахдаа гараа эгц дээшээ өргөж, нарны тэг дугуй мэт өргөж байвал их сайхан харагдана. Үүний хамгийн эртний болохын батлах баталгаа бол сурын уухай юм” хэмээн Ардын уран зохиолч Б.Лхагвасүрэн орой бүр цэнхэр дэлгэцээр ярьж байгаа. Энэ ямар учиртай сурталчилгаа вэ гэдэг дээр олон нийт “Архи, тамхины далд сурталчилгаа” хэмээн тааж байгаа. Учир мэдэх хүмүүсийн яриагаар “Энэ бол архи тамхи, улс төр, эдийн засаг, бизнесийн ямар нэгэн сурталчилгаа биш” гэнэ. Энэ бол монголчууд Хүндэтгэлийн ёсолгоотой байжээ, ийм хэлбэртэй байвал яаж байна гэсэн санамж бүхий сурталчилгаа гэнэ. Ийм байлаа ч, үүнийг хэвшүүлэх нь хэнд тустай юм бэ гэсэн асуулт, асуултын араас хөвөрч байна. Харин сураг ажиг тавихнээ, энэ нь өдгөө Засгийн газрын соёл, урлагийн хорооны даргаар ажиллаж байгаа АУЗ Б.Лхагвасүрэнгийн шинэ жүжгийн сурталчилгаа гэж таах хүн гарч байна.