АНУ-ын Ерөнхийлөгч Дональд Трамптай бэлгийн харьцаанд орсон гэгдэж буй насанд хүргэгчдийн киноны од Сторми Даниэлз шүүхэд ЯЛАГДАЛ хүлээсэн талаар “Ройтерс” агентлаг мэдээллээ.

Тэрбээр 12 жилийн өмнө Лас Вегас хотын нэгэн зочид буудалд Трамптай бэлгийн харьцаанд орж, улмаар мөнгө авсан хэмээн хэдэн сарын өмнө мэдэгдсэн юм.

Трамп уг мэдэгдлийг эрс үгүйсгэж, түүнийг шүүхэд өгсөн билээ. Холбооны шүүх өчигдөр уг асуудлаар хуралдаж, шийдвэрээ гаргасан байна.

Стормийг, Трампын нэр хүндэд санаатайгаар халдаж, гутаан доромжилсон хэмээгээд хохирогчийн талын шүүхийн зардлыг төлүүлэхээр шийдвэрлэжээ.

Шүүхийн шийдвэрийн дараа Трамп порно одыг “Морь шиг царайтай” хэмээн доромжилсон байна.

Ерөнхийлөгч твиттер хуудастаа “Үнэхээр гайхалтай. Би буруугүй гэдгээ хэлсэн. Одоо би Морин царайт (horseface) болон түүний гуравдугаар зэрэглэлийн өмгөөлөгчтэй Техасын шүүх дээр уулзахаар боллоо” гэж жиргэжээ.

Порно од дээрх жиргээний дараа “Хатагтай, ноёдоо би танай Ерөнхийлөгчийг танилцуулж байна. Түүний хамгийн том дутагдал бол эмэгтэйчүүдийг нийгэмд үзэн явуулж, гутаан доромжилдог. Тэр эмэгтэйчүүдийг огт хүндэлдэггүй” гэж мэдэгджээ.

Б.Дэлгэрцэцэг