Ерөнхийлөгч Х.Баттулгын өлсгөлөн зарлах асуудлаар талаар “www.bloomberg.com” сайт мэдээлжээ.
Монгол Улсын Ерөнхийлөгч Халтмаагийн Баттулга өлсгөлөн зарлахаар болжээ. Тэрбээр өнгөрөгч даваа гаригт орон нутгийн “С1” сувагт ярилцлага өгөх үеэрээ “өнөөгийн парламентыг сайн дураараа тарахгүй бол хамгийн сүүлийн арга хэмжээ буюу өлсгөлөн зарлах болно” гэж мэдэгдэв.
Сэтгүүлч “Хэрвээ парламент сайн дураараа огцрохгүй бол таны зүгээс ямар алхам хийх вэ?” гэхэд Ерөнхийлөгч “Өлсгөлөн зарлах болно. Би өөрийн саналаа илгээсэн. Удахгүй энэ асуудлыг хэлэлцэнэ” гэж хэлжээ.
Ерөнхийлөгчийн хэвлэлийн алба дээрх “ноцтой” мэдэгдлийн талаар тайлбар хийхээс татгалзжээ.
Ирэх 2020 онд зохион байгуулагдах парламентын сонгуулиас өмнө ийнхүү Ерөнхийлөгч өлсгөлөн зарлахаа мэдэгдсэн нь уг сонгуульд сөрөг хүчин Ардчилсан намынхан парламентад олонх болох төлөвлөгөө байж болзошгүй.
Гэхдээ парламентыг тараахын тулд парламентын нийт 76 гишүүний олонх нь дэмжих учиртай.
“Монгол Улсын Ерөнхийлөгч улс төрийн тогтолцоонд эрх мэдлээ урвуулан ашиглахыг эрмэлзэж байна. Ерөнхийлөгчийн дээрх үйлдэл зөвхөн иргэдийн дунд нэр хүндээ өсгөх улмаар сонгогчдын дэмжлэг авах зорилготой” гэж “Алтан Бумба” Сангийн гүйцэтгэх захирал Дэйл Чой мэдэгдлээ.
Монгол Улсын эдийн засаг 2018 оны эхний хагаст 6.3 хувиар өсч, эрдэс баялагийн экспортын зэх зээл сайжирсан байна. Монгол Улс өнгөрөгч онд Олон Улсын Валютын Сан /ОУВС/-аас тусламж хүссэн билээ.
Х.Баттулга тулааны урлагаар хичээллэдэг бизнесмэн нэгэн. Тэрбээр улс төр дэх олигархи, Монгол Улсын томоохон худалдааны түнш БНХАУ-ын эрх баригчдыг шүүмжилдэг нэгэн.
Монгол Улс 1990 онд болсон эсэргүүцлийн жагсаалын үеэр жагсагчид нь өлсгөлөн зарласан түүхтэй. Жагсаалын үр дүнд тус улс социалист нийгмээс цус урсгахгүйгээр ардчилсан замд шилжсэн билээ.
Б.Дэлгэрцэцэг