Өнөөдөр бол сүнсний баяр. Хэрвээ танай гэр бүл уг баярыг өргөн тэмдэглэж, гэртээ баяр хүртэл зохион байгуулдаг бол  хялбараар зочдоо айлгах аргыг “www.coupons.com” сайт нийтэлжээ.

Алхам №1

Мэдээж хэрэг та зочдоо айлгахаар сэтгэл шулуудсан бол эхний ээлжинд байшингаа гадна, доторгүй тохижуулах учиртай. Анхны сэтгэгдэл “аймар” байвал мэдээж зочид тань эмээх учиртай.

Алхам №2

Та байшингийн гадна болон дотрох гэрэлдээ ихээхэн ач холбогдол өгөх учиртай. Энэ баяр бол сүнснүүдийн баяр. Нэг үгээр таны гэр нам гүм ноёлсон оршуулгын газартай ижил байх учиртай. Тиймээс та улаан эсвэл бараан цэнхэр өнгийн гэрэл сонгоорой.

Алхам №3

Сэтгэл сэрдийлгэм “өвсөн хүн”. Хэн ч харсан айхаар нэгэн хиймэл хүнийг гэрийнхээ эсвэл хамгийн үнэ цэнэтэй зүйлээ хадгалдаг өрөөнийхөө үүдэнд байршуулах. Нэг сумаар хоёр туулай онохтой ижил зүйл. Таныг орлох хамгаалагч л гэсэн үг.

Алхам №4

Та зочдоо дайлах ус, ундаагаа хүртэл сайтар анхааралтай сонгох учиртай. Хамгийн гол нь таны сонгосон бүхэн уг баяртай зохицож байх ёстой гэдгийг бүү мартаарай.

Алхам №5

Баярын гол эзэн хулууг мартах учиргүй. Хэрвээ хулуу байхгүй бол яг “давстай бялуу” мэт. Тиймээс баяр эхлэхээс өмнө хулуугаа янзлаад үүдэндээ байршуулах хэрэгтэй.

Алхам №6

Зочдоо дайлах хоол, амттан уг баярын утгатай нийцэж байвал сайн.

Алхам №7

Заавал үнэтэй зүйл худалдан авахгүйгээр гарын доорх материалаар сүнсний баярын бэлэгдлүүдийг урлах боломжтой гэдгийг санаарай.

Алхам №8

Төгсгөлд нь гол эзэн болох эрхэм та өөрийгөө бэлдэх цаг иржээ. Орчин үетэйгээ хөл нийлүүлэн өмсгөлөө сонгоод, хүрэлцэн ирэх зочдоо айлгахад бэлдээрэй.

Б.Дэлгэрцэцэг