Украины зүүн хязгаарын зөрчил мөргөлдөөн болон Крымийн асуудлаас болж өнөөг хүртэл Москва, Киев зөрчилдсөөр байгаа.
Украины эрх баригчид ОХУ-ыг үймээн самууныг санаатайгаар өдөөн турхирч, улмаар газар нутгийн нэгээхэн хэсэг Крымийн хойгийг өөртөө нэгтгэсэн хэмээн буруутгаж буй юм.
Мөн өнгөрсөн хугацаанд Укриан, ОХУ-аас зайгаа авч, дарамт үзүүлсээр ирсэн билээ.
Тэгвэл ОХУ-ын Засгийн газар Украины 322 иргэн болон 68 компанид эдийн засгийн хориг тавьсан талаар "www.rferl.org" сайт мэдээлэв.
"Хориг арга хэмжээ авах тогтоолд ОХУ-ын Ерөнхий сайд Дмитрий Медведев гарын үсгээ зурж, баталгаажуулсан" талаар тус улсын Засгийн газрын хэвлэлийн албанаас онцолжээ.
Хоригт Украины Ерөнхийлөгч Петро Порошенкогийн хүү Алексей Порошенко, сайд Арсенс Аваков, Аюулгүй байдлын албаны дарга Васил Хрышак, Шадар сайд Иванна Климпуш-Цинтадзе, Ерөнхий сайд асан Юлия Тимошенко, Арсений Яценюк болон бизнесмен Виктор Пинчук нар багтжээ.
Тэдний ОХУ дахь үнэт цаас, үл хөдлөх хөрөнгийг битүүмжилж, олон улс дахь гүйлгээг хаах гэнэ.
Б.Дэлгэрцэцэг
Уншиж байна |