Японы Окинава арлын өмнөд хэсэгт орших Филиппиний тэнгист АНУ-ын Тэнгисийн цэргийн флотын онгоц осолдсон талаар “ВВС” агентлаг мэдээллээ.
“The F/A-18” нисэх онгоцонд хоёр нисгэгч байсан гэнэ. Аврагчид нисгэгчдийг уснаас гаргаж, АНУ-ын Тэнгисийн цэргийн нисэх онгоц тээгч “USS Ronald Reagan” хөлөгт амжилттай хүргэсэн аж.
“Нисэх онгоцны хөдөлгүүрийн хэсэгт догогдол гарсан” гэж АНУ-ын Тэнгисийн цэргийн хүчин VII флот мэдэгдлээ.
Окинава аралд АНУ-ын цэргийн бааз үйл ажиллагаагаа явуулдаг ба дээрх ослын талаар албаныхан тайлбар хийгээгүй байна. Японы эргийн хамгаалагчид ослын газарт ажиллаж эхэлжээ.
АНУ-ын цэргийн “MH-60” онгоц өнгөрөгч сард осолдож, 12 хүн шархадсан билээ.
Японы Йокосүка хотод байрлах VII флот нь АНУ-ын Тэнгисийн цэргийн хүчний хамгийн том флот бөгөөд 20,000 албан хаагчтай юм. Мөн 50-70 хөлөг онгоц, шумбагч хөлөг онгоцтой.
Б.Дэлгэрцэцэг
Уншиж байна |