УИХ-ын гишүүн Д.Хаянхярваа Засгийн газрыг огцруулах санал гаргаж, гарын үсэг цуглуулахаа мэдэгдээд байсан. УИХ-ын гишүүн Д.Хаянхярваагийн саналд гишүүдийн 4/1 буюу 19 гишүүн гарын үсэг зурвал УИХ-д өргөн барих хуулийн үндэслэл бүрдэнэ. Ямартай ч түүний гаргасан “Засгийн газрыг огцруулах санад одоогийн байдлаар 28 гишүүн гарын үсгээ зурсан. Баасан гаригт саналаа өргөн барина” мэдээлэл гараад байгаа. Энэ талаар УИХ-ын гишүүн Д.Хаянхярваагаас тодруулахад:
-Засгийн газрыг огцруулах саналд гишүүд гарын үсэг зурж байгаа байх. Одоогоор тодорхой зүйл хэлэх боломжгүй гэлээ. Засгийн газрыг огцруулахыг дэмжиж байгаа эсэх талаар УИХ-ын гишүүн Ж.Мөнхбатаас тодруулахад:
- Ерөнхий сайд бол хариуцлага алдсан сайд нартайгаа, ЖДҮХС-гийн мөнгийг идсэн гишүүдтэй хариуцлага тооцож чадахгүй юм байна. УИХ дахь МАН-ын бүлэг бол өөрөө УИХ-ын хуулинд заагдсан эрх бүхий нэг субъект. Гэтэл асуудлыг хүч түрэн оруулж ирж байна. МАН-ын дарга, Ерөнхий сайдын оруулж ирж байгаа асуудал байгаа олохгүй байна. Тийм учраас бухимдсан гишүүд өчигдөр бүлгийн хуралдааны дараа Засгийн газрыг огцруулах бичигт гарын үсгээ зурна гэсэн байр сууриа илэрхийлж байсан.
Н.Энх