С.Соёмбо-Эрдэнэ Улсын дээд шүүхийн шүүгчид нэр дэвшжээ
2018-11-14

Нийслэлийн эрүүгийн хэргийн давж заалдах шатны шүүхийн шүүгч Сосорбарамын Соёмбо-Эрдэнэ Улсын дээд шүүхийн шүүгчийн албан тушаалд нэр дэвшжээ. Түүнийг өнөөдөр Шүүхийн ерөнхий зөвлөлийн дарга Н.Лүндэндорж Хуульзүйн байнгын хорооны хуралдаанд танилцууллаа.

 

 

Нэр дэвшигч Сосорбарамын Соёмбо-Эрдэнэ нь 1976 онд Дундговь аймгийн Дэлгэрцогт суманд төржээ. Ам бүл 5, эхнэр хүүхдүүдийн хамт амьдардаг байна. Тэрбээр 1984-1995 онд нийслэлийн 10 жилийн 60 дугаар дунд сургууль, 1995-1999 онд Шихихутуг хууль зүйн дээд сургууль, 2007-2009 онд Батлан хамгаалахын их сургуулийн магистрын сургалтыг тус тус дүүргэсэн эрх зүйч мэргэжилтэй, хууль зүйн магистрын зэрэгтэй, хуульч цолтой аж.

 

1999-2000 онд Хан-Уул дүүргийн шүүхэд жолооч, нарийн бичгийн дарга, 2000-2005 онд Нийслэлийн шүүхийн шүүгчийн туслах, нарийн бичгийн дарга, 2005-2006 онд Улсын дээд шүүхэд шинжээч, 2006-2011 онд Сонгино хайрхан дүүргийн шүүхийн шүүгч, 2011-2013 онд Сүхбаатар дүүргийн шүүхийн шүүгч, Ерөнхий шүүгч, 2013-2014 онд Дүүргийн эрүүгийн хэргийн анхан шатны нэгдүгээр шүүхийн шүүгч, Ерөнхий шүүгч, 2014-2015 онд Эрүүгийн хэргийн давж заалдах шатны шүүхийн 10 дугаар шүүхийн шүүгчээр ажиллаж байгаад 2015 оноос Нийслэлийн эрүүгийн хэргийн давж заалдах шатны шүүхийн шүүгчээр ажиллаж байна. Анхан болон давж заалдах шатны шүүхэд 12 жил шүүгчээр ажиллажээ.

 

Шүүхийн мэргэжлийн хорооны нэгдсэн  үнэлгээгээр нэр дэвшигч С.Соёмбо-Эрдэнэ нь шүүгчийн сонгон шалгаруулалтын суурь болон тусгай шалгаруулалтад 70.6 оноо авсан болохыг Шүүхийн ерөнхий зөвлөлийн дарга Н.Лүндэндорж танилцуулгадаа дурдав. Мөн нэр дэвшигчийг Шүүхийн ерөнхий зөвлөл болон Монголын Хуульчдын холбооноос мэргэжил, ур чадвар, нэр хүндийн хувьд Улсын дээд шүүхийн шүүгчээр ажиллах шаардлага хангасан хэмээн дүгнэжээ. 

Shuud.mn
Сонин хачин
Уранцэцэг бол хамгиин зөв сонголт эрүүгиин танхимын тэргүүн даанч гаргахгүй дээ иим соёмбо зориг хэн ч бишэ
2018-11-15
Ene hun alsan gemt heregten shudarga esiig togtoogch huniig songoj chadahuu.
2018-11-14
Oligtoihon surguuli tugssun boloosoi
2018-11-14
дорж:
Ихээхэн маргаан дагуулж байгаа хэргийг шүүсэн шүүгчийг УДШ-ийн шүүгчээр томилж байгаа нь хэр зэрэг шударга явдал вэ. Асуудлыг нэг тийш болсон хойно нь томилж болдоггүй юм уу
2018-11-14