Монгол Улсын Ерөнхий сайд У.Хүрэлсүх мэдээлэл хийлээ. Тэрбээр:

-Гадуур нийгэм бухимдалтай байна. Би иргэдийнхээ ахуй амьдралтай нь танилцлаа. Ард түмэн надаас хоёр зүйлийг хүсч байна. Төрийн албанд дэг журам тогтоож, цалин мөнгө эдийн засгийн уналтыг зогсоож өгөх хоёр хүсэлтийг тавьж байгаа. Сүүлийн үеийн судалгаанаас харахад ард түмэн шударга ёс сахилга хариуцлагыг хүсч байна. Надад хоёр зам байна. Шударга ёс бэхжүүлэхийн төлөө амь насаа хайрлахгүйгээр тэмцэх эсвэл сандал суудлаа хамгаалах гэсэн. Би бол нэг дэх замыг сонгож байна.

УИХ-ын дарга Монголын төрийг хууль бусаар зарах яриа ярьсан. Энэ бол эвлүүлэг биш. Хэрэгжүүлсэн нь эсэхийг би мэдэхгүй. Газрын наймаачин гэдэг. Үүнийхээ төлөө огцрох ёстой. УИХ дахь МАН-ын бүлгийн дарга Д.Хаянхярвааг огцруулах асуудлыг тавьж, огцруулсан. Одоо Улаанбаатар хотын даргыг огцруулах санал хүргүүлсэн. Би ийм этгээдүүд төрийг удирдаж болохгүй. 

Бид багын найзууд. Би өнөөдөр улсаа бодож байна. "60 тэрбум", "Эрдэнэт", концесстой холбоотой хэргүүдийг шалгана. Өөрчлөлт шинэчлэлтийг ард түмэн шаардаж байгаа. Би төрөө цэвэрлэх ёстой хүн. Одоо намаа цэвэрлэх цаг болжээ. Би үүнийг олон түмэнтэйгээ хийх ёстой гэж бодож байна. Үүний төлөө Засгийн газрыг огцруулах асуудлыг тавьж байна. Миний энэ тэмцэл цаашдаа улам хатуурах болно.

Би шударга ёс бий болгохоор тэмцэнэ. Дэвшилтэд үзэлтэй хүн бүр нэгдээсэй гэж хүсч байна. Би гудамж талбайд үймээн самуун, долоодугаар сарын нэг шиг үйл явдал болоосой гэж огт хүсэхгүй байна. Бид Үндсэн хуульд өөрчлөлт оруулах цаг болсон байна. ЖДҮХС-гаас авсан зээлийн мөнгө төлөгдөөд дуусч байгаа. Засгийн газрын сангуудад шалгалт оруулаад эхэлсэн. Сангуудад ужгирсан, түгжирсэн зүйлүүд олон байна.  Би намын даргын хувьд МАНАН бүлэглэлтэй ч хатуу тэмцэнэ. Намуудад ард түмнээ гэсэн сэтгэлтэй олон мянган хүн байгаа бол шударга бус зүйлийн тэмцэлд нэгдээсэй. Шударга бусын хонгил гэж яриад байдаг нь үнэн юм байна. Тиймээс энэ хонгилыг эвдэх хэрэгтэй. Ард түмэн бухимдалтай байгаа. Гудамжинд гарч тэмцэхээс ч буцахгүй байгаа. Гэхдээ би битгий тэгээсэй гэж хүсч байна. УИХ-ын даргыг өөрчлөх ёстой.  Ингэж байж цааш ажил явна. Би өнөөдөр ийм зүйл яриад сууж байх биш, аж ахуйгаа хийгээд явж байх ёстой. Гэтэл надад улстөр ярихаас өөр арга алга. Засгийн газрын зорилтод тусгасан бүтээн байгуулалтууд хийгдээд явж байна. Нэг жилийн дотор тодорхой ажил хийсэн. Энэ их ажлын хажуугаар сахилга бат, шударга ёсыг бий болгох хэрэгтэй юм байна хэмээн мэдээлэв.  

Ерөнхий сайд У.Хүрэлсүх мэдээлэл хийснийхээ дараа сэтгүүлчдийн асуултад хариулав. 

-Та 300 офицер цуглуулаад бослогод уриалсан уу?

-Цагдаа нар надтай уулзаад, гудамж талбайд гарч тэмцэхээ илэрхийлсэн. Тухайн үед би тэгж болохгүй тайван байх ёстой. Та бүхэн гудамж талбайд битгий гараарай. үймээн самуун хийж болохгүй. Та бүхэн сэтгэл амар бай. УИХ-ын даргыг огцруулахын төлөө явна. УИХ, намын бүлэгтэй ажиллана гэдгээ илэрхийлсэн. Тэрнээс биш бослого тэмцэл хийх гээд байгаа юм байхгүй. Л.Энх-Амгалан хариуцлагагүй зүйл ярьж байна лээ. Ард түмэн тайван замаар явах ёстой.

-Я.Содбаатар сайдад хариуцлага тооцох уу? ЖДҮХС-гаас зээл авсан.

-Я.Содбаатар хуулийн байгууллагад шалгагдаж байгаа. Буруутай бол ажлаас нь чөлөөлнө гэж хэлсэн.

Н.Энх