Францын Сенатын тамгын газарт ажилладаг эрэгтэйг Хойд Солонгосын талд тагнуул хийдэг байж болзошгүй хэмээн баривчилсан талаар "www.dailymail.co.uk" сайт мэдээллээ. 

Тамгын газар ажилладаг Бенуа Кеннед гэгчийг өнгөрөгч гуравдугаар сараас эхлэн мөрдөж байсан гэнэ.  Түүнийг тагнуулч гэх хэд хэдэн ноцтой материал олдсон учир энэ амралтын өдөр гэрээс нь баривчилжээ. 

Албаныхан "Францын нууцын зэрэглэлтэй материал цуглуулж, гадны улсад дамжуулсан" хэмээн буруутгасан аж. 

Францын Дотоод хэргийн яам уг хэргийг шалгаж эхэлсэн байна. Уг шалгалтын хүрээнд сэжигтний ажлын өрөөг битүүмжилж, нэгжлэг хийжээ. 

Б.Дэлгэрцэцэг