Аюулгүйн зөвлөлийн аюултай гурван толгой
2018-11-28

 

 

Монгол Улсын Үндэсний аюулгүй байдал гэдгийг үндэсний язгуур ашиг сонирхол буюу тусгаар тогтнол, нутаг дэвсгэрийн бүрэн бүтэн байдал, Монголын ард түмэн, соёл иргэншил оршин тогтнох, үндэсний эв нэгдэл, хүний эрх, эрх чөлөө баталгаатай хангагдсан байдал, эдийн засгийн тогтвортой, экологийн тэнцвэрт хөгжлийн гадаад, дотоод таатай нөхцөл баталгаатай хангагдсан гэдгээр тодорхойлдог.

 

Ингэж тодорхойлсон Үндэсний аюулгүй байдлыг хангах, хангагдахад  хяналт тавих төрийн зөвлөлдөх дээд байгууллага нь Үндэсний аюулгүй байдлын зөвлөл /ҮАБЗ/ юм.

 

ҮАБЗ гурван гишүүн­тэй. Олны “Төрийн гурван өндөрлөг” хэмээдэг Ерөнхийлөгч, УИХ-ын дарга, Ерөнхий сайд гурав юм.  Ерөнхийлөгч Х.Баттулга ҮАБЗ-ийн тэргүүн нь , УИХ-ын дарга М.Энхболд, Ерөнхий сайд У.Хүрэлсүх хоёр гишүүн нь гэсэн үг. Харамсалтай нь өнөөдөр ҮАБЗ-ийн энэ гурван гишүүн хуулиар олгогдсон үүргээ биелүүлж байна уу, дагаж байгаа юу гэдэг эргэлзээтэй болоод байна.

 

Учир нь олон нийт  сүүлийн үед “…ҮАБЗ-ийн энэ гурван гишүүн Монгол Улсын Үндэсний аюулгүй байдлыг огоорч, хувийн эрх ашиг, өш хонзондоо автаж ажиллаад байна” гэдэг боллоо.

 

ҮАБЗ-ийн гишүүдийн үйл хөдөлгөөн, үг яриа ч үүнийг батлаад өгч байгаа юм. Өнгөцхөн харвал, өнөөдөр УИХ-ын дарга М.Энхболд, Ерөнхий сайд У.Хүрэлсүх хоёр, бас МАН-ын дотоод зөрчил гэхээр байгаа юм. Нэг талаас, жилийн өмнө М.Энхболдыгоо “мөргөж”, өнөөдөр эрх мэдлийг бүрэн утгаар нь төвлөрүүлэхээр, улс төрөөс нэгмөсөн арчихаар зүтгэж байгаа У.Хүрэлсүх үзэгдэнэ.

 

Нөгөө талаас У.Хүрэлсүхэд хамаг байдгаа шувтлуулчихаад эцсийн ганц цамц болсон УИХ-ын даргын албан тушаалаа өгөхгүй гэж гүрийсэн М.Энхболд харагдана.

 

Ингээд тэднийг дагасан, У.Хүрэлсүхийн, М.Энхболдын үнэнч фанатууд, бас хэн хэнд нь тал алдахгүй хоёр тийшээ алга хавсран гүйлдэх гишүүд, эсвэл энэ “дайн”-д үрэгдчих шахаад элдвийн булай нь илэрсэн нөхдүүд амьд үлдэх арга хайн гүйлдэж байна. Гэвч энэ бүхэн зөвхөн У.Хүрэлсүх, М.Энхболд гэдэг хоёр хүний хоорондын зөрчил ч бус, эрх баригч МАН-ын бүр ч биш болох нь нотлогдоод эхэллээ. Өрнөж буй бүхэн Үндэсний аюулгүй байдлыг хөндөж мэдэхээр болсон байна.

 

Нэг. У.ХҮРЭЛСҮХИЙН АЮУЛ

 

У.Хүрэлсүх бол Монгол Улсын Ерөнхий сайд, эрх баригч МАН-ын дарга. Энэ хүн эдгээр албан тушаалыг одоогоос жилийн өмнө ганцхан “гуядалт”-аар өөрийн болгосон. Гэхдээ ингэж төрийн, намын толгойд гарахад өөрийнх нь хичээл зүтгэл хэр зэрэг байсныг улс төрийн хүрээнийхэн маш сайн мэднэ. Товчхондоо, тэр маш азтай л хүн гэгддэг юм.

 

Цод цод хийсэн цоглог, цогтой үгийг сонин хэвлэл, УИХ, МАН-ын индэр дээрээс хэлсээр улстөрчдийн, ард түмний итгэлийг ойр төсөрт байгаагүйгээр хүлээж “дарга” болсон. Үүнээс хойш жил гаруйн хугацаа өнгөрлөө. Үр дүн нь өнөөдрийн энэ байдал. Нам нь хуваагдаж, улс төр бужигнасан.

 

Мань эр жил гаруй ажиллахдаа гадаадад “гарсангүй”, дотоодод “ зөвшөөрөгдсөнгүй” өнгөрөв. Үнэнийг хэлэхэд У.Хүрэлсүхийг хэзээ “сэлэм”-ээ сугалах нь вэ гэж олон нийт хүлээсэн. Хүлээлт талаар болсон. Ингэж амжилгүйгээр ЖДҮ хэмээх жижигхэн салхинд Засгийн газар нь, нам нь ганхчихав. Одоо өөрөө “сэлэм”-дүүлэх дээрээ тулаад байна.

 

Албан тасалгааны цонхоор амьдрал сайхан харагддаг. Ерөнхий сайд, намын даргын ширээн дээрээс бүр ч гоё харагдаж таарна. У.Хүрэлсүх “хар масс” буюу ард түмний хүсэл, эрх ашиг, хүлээлт, үнэлгээ дүгнэлтийг огт анзаарахгүй байна. Тиймээс тэр “…Би эх орныхоо төлөө ажиллаж байна. Амиа өгөхөөс ч буцахгүй” гэж өнөөдрийг хүртэл хэлсээр л суугаа юм. Гэвчиг хөшигний цаана, ажлын бус цагаар түүний оролцоотой хийгдэж байгаа элдвийн явдлууд “…Арай ч дээ “ л гэмээр байгааг ард түмэн ярьдаг боллоо.

 

У.Хүрэлсүх өөрөө М.Энхболд, түүний фракцынхантай тэмцэж байна гээд байгаа. Үгүй юм. Өөрөө үлдэхийн төлөө хийж байгаа болгон нь Үндэсний аюулгүй байдалд аюултай болоод байна.

 

ЖДҮ хэмээх хэрэгт Засгийн газрынх нь сайд нар, МАН-ынх нь хариуцлагатай албан тушаалтнууд нийтээрээ ороогдсон. Энэ ганцхан шалтгаан нь У.Хүрэлсүхийн цагийг зогсоох хэрэгтэй гэсэн дохиог өгөөд байгаа юм. Удахгүй ЖДҮ байтугай том хэрэг мандана гэдгийг эх сурвалж “сэвээд” эхэлж байна. Шинээр илрэх тэр асуудалд бас л МАН-ынхан, улстөрчид хамаатай болохыг улс төрийн хүрээнд битүү хатуу ярьж эхэллээ.

 

Хэдэн парламент дамжиж суусан зарим ахаараа заалгасан У.Хүрэлсүхийн “сөрсөн базаа” өнөөдөр Монголын улс төрд тогтворгүй байдлыг нэгэнт авчирлаа. УИХ дахь олонхийн бүлэг хүч тэнцүүхэн талцаад бие биеийнхээ муу бүхнийг онгичиж сууна. Эвлэрэх аргагүй хагаралд хүрсэн нь ил болсон. Иймээс У.Хүрэлсүх бол лидер улстөрч биш, зүгээр л түр зуурын үзэгдэл болж таараад байна.

 

Улмаар У.Хүрэлсүхийн М.Энхболдыг унагах ажиллагаа нь М.Энхболдыг бус Үндсэн хуулийг түншээд эхэллээ. Монгол Улс парламентын засаглалтай гэдгийг өнөөдөр хүчин төгөлдөр үйлчилж байгаа, дээрээ хөх тэнгэрээс өөр “дарга”-гүй Үндсэн хуулиар тогтоосон. Төрийн эрх барих дээд байгууллага нь парламент буюу УИХ юм. Тэгэхээр У.Хүрэлсүхийн дайралт М.Энхболдыг биш Үндсэн хуулийг намначих гээд байгаа хэрэг.

 

Хоёр. М.ЭНХБОЛДЫН АЮУЛ

 

М.Энхболд бол УИХ-ын дарга, Төрийн эрх барих дээд байгууллагыг удирдаж байгаа хүн. Яг үнэнийг хэлэхэд, өнөөдрийн энэ бужигнаан, эмх замбараагүй явдлын буруутан нь М.Энхболд юм. Монгол дахь улс төрийн бүх хүчнүүд дүрэмдээ “…Сонгуульд ялбал намын дарга нь Ерөнхий сайд болно” гэж заасан байдаг.

 

Харин 2016 оны сонгуулийн дараа МАН-ын дарга М.Энхболд Ерөнхий сайд биш, УИХ-ын дарга болсноор энэ бүхний эхлэлийг тавьж өгсөн юм. Тэр үед Ерөнхий сайдаар өөрийнхөө хүнийг тавьсан нь бас нэг алдаа нь болсон байдаг. Ард түмэн байтугай МАН-ынхан нь ч шинэ Ерөнхий сайдыг гайхаж хүлээж авч байлаа. Ингэж үнэмлэхүй олонхиороо ялалт байгуулсан МАН-ын удирдлагын хүч саарсан.

 

Засгийн газар нь ганцхан жил болоод огцорч, УИХ-ын дарга М.Энхболд тэр үед намын даргын албан тушаалаа ч өгөхөөс аргагүйд хүрсэн. Тэгээд өгсөн.

 

М.Энхболдод саад болох олон хүчин зүйл байсныг өөрөө ч хүлээн зөвшөөрөх хэрэгтэй юм. М.Энхболдыг байнгын дагаж явдаг “газрын наймаачин” гэх нэр хоч, сүүлд задарсан “60 тэрбумын бичлэг”, Хотын фракцын дарга, МАНАН бүлэглэлийн төлөөлөл гэдэг яриа зэрэг нь нэгэнт суларсан суудлыг тэр чигт нь хазайлгахад нөлөөлсөн гэдэг.

 

Хамгийн ноцтой нь тэрээр Монголын улс төрд дахиад шинэ МАНАН төрж байна гэдгийг Үндэсний телевизээр албан ёсоор мэдэгдлээ. Шинэ МАНАН-гийн тухай ярина гэдэг хуучин МАНАН байсан гэж хүлээн зөвшөөрч байгаатай утга адил. Энэ бол өнөөг хүртэл МАНАН-гийнх гэгддэг хүмүүсээс хэн нь ч хүлээн зөвшөөрөөгүй, харин сөрөг хүчний зүгээс байнга сануулдаг байсан МАНАН-гийн талаарх ойлголтыг баталсан явдал болсон юм. Энэ утгаараа М.Энхболд бас МАН-ын ч, Монголын ч лидер улстөрч биш гэдгийг хэлээд өгч байгаа юм. Гэвч М.Энхболд өнөөдөр Монгол Улсын төрийн эрх барих дээд байгууллагыг тэргүүлж байгаа. Тиймээс М.Энхболд гэдэг хувь хүнийхээ нэр төр, албан тушаалыг бус УИХ-ын нэр хүнд, Үндсэн хуулийн заалттай засаглалыг хамгаалах үүрэгтэй үлдэж байгаа юм.

 

Хэрвээ УИХ-ын даргыг У.Хүрэлсүх гэдэг намын дарга, Ерөнхий сайдтай таарамжгүй, үйл ажиллагаанд нь саад тотгор болдог гэх мэтийн шалтгаар М.Энхболд хэмээх хувь хүнийх нь үүднээс огцруулах аваас Үндсэн хууль, УИХ-ын үйл ажиллагаанд шууд халдсан үйлдэл болох юм. Учир нь УИХ-ын даргыг огцруулах шалтгаануудыг хуульд тодорхой заачихсан нь байна. Харин хуулиа баривал нэгэнт нэр хүндээ барсан УИХ-ыг тараах нь УИХ-ын даргыг огцруулахаас илүү амархан юм.

 

Гурав. Х.БАТТУЛГЫН АЮУЛ

 

Ерөнхийлөгч Х.Баттулга бол Монголын ард түмний эв нэгдлийг илэрхийлэгч. Энэ бол түүнд олгогдсон хамгийн том үүрэг, бас эрх мэдэл юм.  Х.Баттулга Монгол Улсын Ерөнхийлөгч, Үндэсний аюулгүй байдлын зөвлөлийн тэргүүнээр сонгогдоод жил гаруйн нүүрийг үзлээ.

 

Энэ хугацааг эрх баригч МАН-ынхан хөлөөрөө толгой хийж, Монголын төрөөр нам шигээ тоглож өнгөрөөв.  Гэвч Ерөнхийлөгч Х.Баттулга нэг ч удаа МАН-ынхныг, МАН-аас тохоогдож төрийн өндөр албанд тухлагсдыг дуудаж загнасангүй. “…Эвтэй бай” гэж зандарсангүй. Эв нэгдлийг илэрхийлсэнгүй, хүссэн ч үгүй. Өнгөцхөн харахад Ерөнхийлөгч Х.Баттулга энэ бүхнийг хөмсөг зангидан ажиглаад л суугаад байна. Яг үнэндээ, эвийг илэрхийлэгч маань ингээд чимээ аниргүй суугаад байгаа нь маш аюултай байгаа юм. Ерөнхийлөгчийн эргэн тойронд албан ёсоор болоод албан бусаар шадарлан суугсад эрх баригчдын энэ хэрүүлд гүн гүнзгий оролцож харагдаад байгаа нь анхаарал татаад байгаа. Тэр бүү хэл, зарим нэг үйл явдалд нь “найруулагч”-ийн хэмжээнд оролцож байгаа нь ч ил болж байна.

 

Ерөнхийлөгч өөрөө дуугардаггүй, ойр хавийнхан нь энэ дажинд оролцон тоглогчид болчихсон байна гэдгийг олон нийт ч яриад удлаа.

 

Ерөн­хийлөгчийн Тамгын газрын дарга, зарим нэр бүхий зөвлөхүүдийн цахим сүлжээгээр илэрхийлж байгаа байр суурь ч дээрх “бор шувуу”-г бодитой гэдгийг нь харуулж байгаа юм. Хамгийн сүүлд, уржигдар Монгол Улс тунхагласны 94 жилийн ой тохиолоо. Энэ ойд зориулсан цэцэг өргөх ёслолд Ерөнхийлөгч Х.Баттулга заларсангүй. Харин Ерөнхийлөгчийн Тамгын газрын дарга цахим сүлжээнд “…Өнөөдөр Монгол Улсаа тунхагласан өдөр биш. 2200 гаруй жилийн өмнө Монгол улсаа тунхагласан билээ. Харин Анхдугаар Үндсэн хуулиа баталж, хаант засаглалын хэлбэрээс Бүгд Найрамдах засаглалын хэлбэрт шилжээд 94 жил болжээ” гэж жиргээд сууж байв. Мөн Монгол Улсын Ерөнхийлөгчийн албан ёсны мэдээллийн www.president.mn сайтад Монгол Улс тунхагласан өдрийн талаар нэг өгүүлбэр ч алга.

 

Уг нь жил бүрийн арваннэгдүгээр сарын 26-ны Улс тунхагласан өдөр бол МАН-ын баяр биш, Монгол Улсын түүхийн чухал үйл явдлуудын нэг юм. Улс төрийн сүүлийн үеийн нөхцөл байдлаас харахад  Монгол Улсын Ерөнхийлөгч Х.Баттулгын үйл ажиллагаанаас Монголын ард түмний эв нэгдлийг илэрхийлэгчийн байр суурь огт харагдахгүй байгаа. Дахиад хэлэхэд, төр эвдрээд байхад эвийг илэрхийлэгч чимээгүй сууж байгаа нь маш аюултай юм.

 

ТӨГСГӨЛД НЬ

 

Ийн Монгол Улсын ҮАБЗ-ийн гурван гишүүн эрхээ, албан тушаалаа хувийн хэмээн сэтгэж, үүргээ умартаад удлаа. Улс оронд улс төрийн тогтворгүй байдал үүслээ..

 

Эцэст нь сануулахад, Х.Баттулга, М.Энхболд, У.Хүрэлсүх гэдэг гурван хүн ард түмний сонголтоор ҮАБЗ-ийн гишүүн болсон. Монгол Улсын үндэсний язгуур ашиг сонирхол буюу тусгаар тогтнол, нутаг дэвсгэрийн бүрэн бүтэн байдал, Монголын ард түмэн, соёл иргэншил оршин тогтнох, үндэсний эв нэгдэл, хүний эрх, эрх чөлөө баталгаатай хангагдсан байдал, эдийн засгийн тогтвортой, экологийн тэнцвэрт хөгжлийн гадаад, дотоод таатай нөхцөл баталгаатай хангагдсан байдлын төлөө ажиллах үүрэгтэй хүмүүс юм.

 

Эх сурвалж: “Зууны мэдээ” сонин

Б.ДАМДИН-ОЧИР

Shuud.mn
Сонин хачин
Яаж ч бодсон Батлага Топор хэмээх хүмүүс Монголыг өөд нь татаж чадах уу. Долларын өсөлт бензиний үнээ хар . Дараа нь өмөөр. Зөвхөн энэ шалтгаан л ЕС огцроход хангалттай .
2018-11-28
erunkhilugchid ih buruu baina shuu. yagad gevel munhag muihar huneer erunkhii said tavchihaad muguidalhaar ni ongiroogood baigaag yu gej oilgoh ve.
Улс орон айл гэртэй нэн төсөөтэй. Хүрэлсүхийн залуучуудын фракц ялсан нь айл гэрийг эцэг эхчүүд нь удирдах бус, хүүхдүүд нь эцэг эх уруугуу нулимаад гэр орноо нураагаад явдагтай нэн төстэй юм болж байна. Энэ яавч сайны ёр биш.
2018-11-28
Тавантолгойд IPO (олон нийтэд хувьцаа гаргах) хийнэ гэдэг нь Тавантолгойн ордыг харийнханд алдахын цондон юм. Учир нь Тавантолгойн хувьцаа эзэмшигчид хэсэг хугацааны дараа хүссэн ч, эс хүссэн ч хувьцаагаа харийнханд зарж эхэлдэг. Тэгээд Тавантолгойн орд харийнханы гарт орно гэсэн үг. Тавантолгойд IPO хийнэ гэдэг нь мөн чанартаа гадаад, дотоодын эдийн засгийн алуурчдын бодлого юм. Тавантолгойн ордыг Монгол эх орон, Монголын ард түмэнд хамгийн үр ашигтай ашиглах цорын ганц хувилбар нь 100 хувь төрийн өмчид байлгах явдал юм.
2018-11-28
Оюутолгойн хөрөнгө оруулалтын гэрээг нэн даруй цуцлахгүй бол Баабар шиг гадаадын эдийн засгийн алуурчдын гар хөл болсон этгээдүүд Монголчуудын тархийиг дахиад 100 жил угаагаад, Монголчууд алт ч үгүй, зэс ч үгүй, 100 жил арбитрын маргааны төлбөр төлөөд, 100 жил 34 хувийн төлбөр төлөөд, тэдгээрийн хүү төлөөд, өрөнд ороод, ухсан нүхтэйгээ хоцорно.
2018-11-28
С.Баяр, Ч.Сайханбилэг, Баярцогт нар бол Монголчуудыг 100 жил тэжээх Оюутолгойн алт-зэсийн ордыг гадаадын эдийн засгийн алуурчдад (Рио Тинтод) зарсан, Монголчуудыг 40 жил тэжээсэн, цаашид 60 жил тэжээх Эрдэнэтийн зэс-молибдены ордыг дотоодын эдийн засгийн алуурчдад (Зэс корпорацид) зарсан гэм нүгэл нь 9 үеэр арилшгүй нүгэлтнүүд юм. Төр засаг, хууль цааз тэднийг шийтгэхгүй гэхэд бурхан тэднийг 9 үеэр нь гэсгээх болтугай!!!
2018-11-28
Монгол улс цаашид ашигт малтмалын орд ашиглах гэрээг үндэстэн дамнасан корпорацитай (дээрэмчид, эдийн засгийн алуурчидтай) бус, харин дэлхийн аль нэг хүчирхэг улсын зөвхөн Засгийн газартай байгуулах хэрэгтэй. Эс тэгвэл Монголчууд үндэстэн дамнасан корпорацидуудад (дээрэмчидэд, эдийн засгийн алуурчидад) 100 жил хулхидуулна, 100 жил арбитрдана, 100 жил ажлын хэсэг байгуулна, тэгээд ашиг ч үгүй, зэс ч үгүй, алт ч үгүй, нүүрс ч үгүй, ухсан нүхтэйгээ дааж давшгүй өрөнд ороод хоцорно. Үүний яруу тод жишээг Рио Тинтогийн эдийн засгийн алуурчидтай байгуулсан Оюу толгойн гэрээ харуулдаг.
2018-11-28
Монголын улс төрчидөд авилгал өгсөн хэргээр Оюутолгойн оруулсан хөрөнгийг (энэ хөрөнгөөр барьсан баяжуулах фабрик, хүдрийн ил далд уурхайг) экспроприаци хийх замаар (шууд хурааж Монгол улсын 100 хувийн төрийн өмчлөлд авах) улсад хурааж авдаг олон улсын жишиг бий шүү. Энэ талаар гарсан НҮБ-ын тогтоолууд ч байдаг.
2018-11-28
Оюутолгойн асуудлыг шийдвэрлэх хамгийн зөв хувилбар бол 1-рт, авилгал өгсөн, авсан хэргээр Оюутолгойн хөрөнгө оруулалтын гэрээ байгуулсан Монголын улс төрчид болон Рио Тинтогийн удирдлагыг туурга тусгаар Монгол улсын эрүүгийн хуулиар хатуу шийтгэж, ялыг нь Монголд эдлүүлэх; 2-рт, авилгал өгч, авч байгуулсан тул Оюутолгойн хөрөнгө оруулалтын гэрээг цуцлаж, уурхайн бүх барилга байгууламжийг (баяжуулах фабрик, хүдрийн ил, далд уурхай) экспроприаци хийх (нөхөн төлбөргүйгээр төрийн өмчид авах) замаар 100 хувь төрийн өмчлөлд шилжүүлж, орд газрыг ашиглах гэрээг дэлхийн аль нэг хүчирхэг гүрний (Жишээлбэл, ОХУ мэт) Засгийн газартай дахин шинээр байгуулах явдал юм. Эс тэгвэл Монголчууд дахиад 100 жил Рио Тинтогийн дээрэмчидтэй (эдийн засгийн алуурчидтай) зууралдаад, маргалдаад, арбитрдаад, ашиг ч үгүй, алт ч үгүй, зэс ч үгүй, дааж давшгүй өрөнд ороод хоцорно.
2018-11-28
Хятад, Орос улсын хөгжлийн нууц нь конвергенцийн онолоор (загвараар) хөгжиж байгаа явдал юм. Конвергенцийн онолын мөн чанар нь Адам Смитын чөлөөт зах зээлийн онол, К.Марксын 100 хувийн төрийн өмчлөлийн онол, Ж.М.Кейнсийн төрийн оролцооны онолуудыг оновчтой хослуулах явдал юм. Энэ онолоор буурай болон хөгжиж байгаа орнууд улсын батлан хамгаалах, эрүүл мэнд, боловсрол, эрчим хүч, уул уурхайн салбаруудаа 100 хувь төрийн өмчлөлд байлгах, бусад салбараа чөлөөт зах зээлийн онолоор хөгжүүлэх явдал юм Энэ бүхнийг Үндсэн хуулиндаа тусгаж өгдөг байна. Ингэсэн нөхцөлд л мулгуу улс төрчид, улс төрийн наманцарууд, авилгал, хээл хахууль эцэс болдог байна.
2018-11-28
Монголын эмгэнэл бол Оюутолгойн гэрээ байгуулах үйл ажиллагаанд нэг ч уул уурхайн инженерийг оруулахгүйгээр дан ганц улс төрчид (хорчид), хуульчид, эдийн засагчид, бөхчүүд, дуучид, сэтгүүлчид зэрэг бодит амьдралаас (уул уурхайгаас) хол байдаг цагаан захтнууд байгуулсан явдал юм. Ийм гэрээ угаасаа хэзээ ч сайн гэрээ болохгүй, 100 жилийн маргааныг дагуулна. Одоо энэ гэрээг УИХ-аар цуцлаад үндэстэн дамнасан корпорацитай биш, дэлхийн аль нэг хүчирхэг гүний (ОХУ мэт) Засгийн газартай шинээр байгуулах хэрэгтэй. Монголчуудад өөр зам байхгүй.
2018-11-28
Монголчууд бидэнд хоёрхон зам байна. 1-рт, Эх орноосоо урвасан Баяр, Баярцогт, Сайханбилэг нарт эрүүгийн хатуу хариуцлага хүлээлгэх (бүх насаар нь хорих буюу цаазлах); 2-рт, Оюутолгойн гэрээг цуцлаж Орд ашиглах гэрээг үндэстэн дамнасан корпорацитай (дээрэмчидтэй) биш, аль нэг хүчирхэг улсын (жишээлбэл ОХУ гэх мэт) Засгийн газартай байгуулах. Ийм хоёрхон зам байна. Эс тэгвэл Монголчууд бид Рио Тинтогийн дээрэмчидтэй дахиад 100 жил арбитр дээр маргалдана, хэлэлцэнэ, ширээний ард сууна, ажлын хэсэг байгуулна, араараа тавиулна, хулхидуулна, дахиад биднийг авилгалдана ... тэгээд бүх алт, зэсээ дээрэмдүүлээд өртэй хоцорно ...
2018-11-28
"Монголын зэс корпораци"-ийнхан бол туурга тусгаар Монгол улсынхаа хуулийг, УИХ-ын шийдвэрийг, Засгийн газрын шийдвэрийг уландаа гишгэсэн, гадаад, дотоодын эдийн засгийн алуурчидтай үгсэн хуйвалдсан гэмт хэрэгтнүүд юм . Гэмт хэрэгтнүүдэд Монголын нутаг дэвсгэр дээр гишгэх газар байх ёсгүй.
2018-11-28
Монгол төрийн шийдвэрийг эсэргүүцэж байгаа "Монголын зэс корпораци"-ийн удирдлагуудад Эрүүгийн хэрэг үүсгэж яллахыг Монголын жирийн ард түмэн ТЕГ, ЦЕГ, АТГ-аас шаардаж, хүсэж байна.
2018-11-28
"Монголын зэс корпораци"-ийнхан Английн шүүхээр Монголчуудыг бүү айлга. Монгол улс НҮБ-д бүртгэлтэй туурга тусгаар улс. Ядуу буурай, хөгжиж байгаа орнуудын байгалийн баялаг, ашигт малтмалыг "Монголын зэс корпораци"-ийнхан шиг гадаад, дотоодын луйварчдаас хамгаалах зорилгоор НҮБ-ын Ерөнхий Ассамблейгээс 1952 онд “Улс орнууд байгалийн баялагаа чөлөөтэй ашиглах эрхийн тухай” НҮБ-ын Ерөнхий Ассемблейн 626-р тогтоол, 1962 онд “Улс орнуудын байгалийн баялагийн тусгаар тогтнолын тухай” НҮБ-ын Ерөнхий Ассемблейн 1803-р тогтоол, 1974 онд “Олон улсын эдийн засгийн шинэ дэглэм тогтоох тухай” НҮБ-ын Ерөнхий Ассемблейн 3201-р деклараци, 1974 онд “Улс орнуудын эдийн засгийн эрх, үүргийн тухай” НҮБ-ын Ерөнхий Ассамблейн 3281-р Харти зэрэг хэд хэдэн тогтоол, Деклараци, Харти байдаг юм шүү.
2018-11-28
Ядуу буурай, хөгжиж байгаа орнуудын байгалийн баялаг, ашигт малтмалыг гадаад, дотоодын луйварчдаас хамгааалах зорилгоор НҮБ-ын Ерөнхий Ассамблейгээс 1952 онд “Улс орнууд байгалийн баялагаа чөлөөтэй ашиглах эрхийн тухай” НҮБ-ын Ерөнхий Ассемблейн 626-р тогтоол, 1962 онд “Улс орнуудын байгалийн баялагийн тусгаар тогтнолын тухай” НҮБ-ын Ерөнхий Ассемблейн 1803-р тогтоол, 1974 онд “Олон улсын эдийн засгийн шинэ дэглэм тогтоох тухай” НҮБ-ын Ерөнхий Ассемблейн 3201-р деклараци, 1974 онд “Улс орнуудын эдийн засгийн эрх, үүргийн тухай” НҮБ-ын Ерөнхий Ассамблейн 3281-р Харти зэрэг олон улсын эрх зүйн хэм хэмжээг тогтоосон байдаг байна. Монгол улс НҮБ-ын гишүүн орны хувьд олон улсын эдгээр эрх зүйн хэм хэмжээний дагуу гадаад, дотоодын эдийн засгийн луйварчдаас салах цаг болсон.
2018-11-28
Эрдэнэтийн 49 хувийг дэлхийн агуу их гүрнүүдийн нэг Орос орны төр эзэмших эсхүл эдийн засгийн болон ёс суртахууны бүрэн дампууралд орсон, авилгал, хээл хахуульд бүрэн идэгдсэн дэлхийн хамгийн ядуу буурай орнуудын нэг Монгол улсын 27 настай бацаан эзэмших хоёр нь харьцуулахын аргагүй ялгаатай ноцтой асуудал юм.
2018-11-28
Нууцаар хийсэн бүхнийг хулгай гэнэ. Эрдэнэтийн 49 хувийг хувьд шилжүүлсэн асуудал бол яах аргагүй хулгай. Хулгай хийсэн хүнийг хулгайч гэнэ. Хулгайчтай наймаалцдаггүй, ярилцдаггүй, тохиролцдоггүй, харин хуулийн хатуу гэсгээл үзүүлдэг. Энэ бол дэлхийн хүн төрөлхтөний хэдэн мянган жилд бий болгосон соёл. Иймээс соёлт хүн төрөлхтөн гэдэг. Монгол улс цаашид соёлт хүн төрөлхтний жишигээр амьдрах хэрэгтэй.
2018-11-28
Эрдэнэтийн асуудлыг шийдвэрлэх маш амархан шүү дээ. Нэгдүгээрт, Эрдэнэт үйлдвэр, Монголросцветмет нэгдлийг 100 хувь төрийн өмчийн компани болгох, хоёрдугаарт, эрх мэдэл албан тушаалаа хэтрүүлэн, урвуулан ашиглаж, монгол төрийн хууль, олон улсын гэрээ хэлэцээрийг ноцтой зөрчиж, Эрдэнэт үйлдвэр, Монголросцветмет нэгдлийг луйвардаж авах нууц хуйвалдаан бүлэглэж зохион байгуулсан гэмт хэргээр АН-аас сонгогдсон ерөнхийлөгч Ц. Элбэгдорж, УИХ-ын дарга асан З.Энхболд, ерөнхий сайд асан Ч.Сайханбилэг, яамдын сайд асан Эрдэнэбат, Пүрэвсүрэн, Болор, ХХБ-ны удирдлагуудад эрүүгийн хэрэг үүсгэж шалгах.
2018-11-28
Оросын ерөнхийлөгч Путин төрийн өмчийг луйвардаж авсан Ходорковский, Березовский зэрэг луйварчдыг 2000 онд шоронд илгээхийг нь шоронд илгээж, гадаадад цөллөгт үүрд явуулахыг нь явуулж мафи, олигархиудаа нам дарж авсан. Харин манай ерөнхийлөгчид мафи, олигархиудтайгаа нэгдчихсэн явж байдаг…..
2018-11-28
Орос ах нар Эрдэнэт хот, уулын баяжуулах үйлдвэрийг байгуулж, бүтээж, ажлуулж өгсныхөө төлөө 49 хувийг нь эзэмшиж жил бүр хэдэн арван тэрбум төгрөгийн ногдол ашиг хүртэж байсан юм. Гэтэл Эрдэнэтийг байгуулж, бүтээж, ажлуулахад түй ч байхгүй 27 настай нэг бацаан 49 хувийг нь эзэмшиж, жил бүр хэдэн зуун тэрбум төгрөгийн ногдол ашиг хармаална, харин монголын 3 сая ард түмэн үлдсэн ногдол ашгийг нь долооно гэхээр ард түмэн дургүйцэн хилэгнээд байгаа юм.
2018-11-28
Эрдэнэт үйлдвэр бол Эрдэнэтчүүд, нийт монголчуудын бахархал юм. Энэ бахархал нь мөнгөнөөс мянга дахин илүү хүчтэй. Гэтэл энэ бахархал уруу нь хэдэн мөнгөтэй луйварчид төр, засагтай нь цуг нийлээд хүйтэн ус цацаад байхаар нь ард түмэн дургүйцээд байгаа юм. Татвар, ногдол ашиг нь өөр өөр зүйл. Ямарч аж ахуйн нэгж улсад татвар төлдөг. Харин Эрдэнэт бол Монголд байхгүй их ногдол ашиг өгдөг үйлдвэр. Мафийнхан, луйварчид, олигархиудын арааны шүлс нь гоожоод Эрдэнэт уруу дайраад, зүтгээд байдагийн цаад учир нь татварт бус, харин ногдол ашигт байгаа юм. 20 дугаар зууны нийт монголчууд, Эрдэнэтийн 6000 ажилчны хөлс хүчээ асгаруулсан ажлын үр дүн буюу жил бүрийн ногдол ашгийн 49 хувьтай тэнцэх хэдэн арван тэрбумтэй тэнцэх төгрөгийг 27 настай нэг луйварчин жил бүр хармаалаад, үлдсэн 51 хувьтай тэнцэх ногдол ашгийг монголын 3 сая хүн хувааж долооно гэхээр ард түмэн дургүйцээд байгаа юм. Эрдэнэтийг 100 хувь төрийн өмчийн компани байлгахын эсрэг үйл ажиллагаа явуулсан ямарч УИХ, Засгийн газар, ямар ч улс төрч мөн чанартаа ард түмнийхээ эсрэг үйл ажиллагаа явуулж байгаа луйварчин, мафи, олигархиудын гар хөл гэж үзэхээс өөр аргагүй. Болгоомжлогтун, сэрэгтүн.
2018-11-28
Эрдэнэтийн асуудлаар ярих эр зоригтой хүн Монголд Нямдоржоос өөр байсангүй. Эрдэнэт үйлдвэр жилд хамгийн багаар бодоход олон арван тэрбум төгрөгийн ногдол ашиг өгдөг. Түүний 49 хувийг нь Эрдэнэтийг луйвардаж авсан 27 настай нэг луйварчин хармаална. Үлдсэн 51 хувийг нь Монголын 3 сая хүн хувааж хүртэнэ. Энэ шударга ёс уу? Улс төрчдөө!!! Нямдоржид баяр хүргэе!
2018-11-28
Эрдэнэтийг луйвардаж авсан асуудал 1990-ээд оны Орос орныг санагдуулна. 1990-ээд онд Оросын бүх өнгөтэй өөдтэй үйлдвэрүүдийг Березовский, Ходорковский мэтийн 10-аад олигархи, луйварчид хувьчлал нэрээр дээрэмдэж аваад олсон бузар мөнгөөрөө Оросын төр засгийг худалдаж авсан байдаг. Гэтэл бурханы авралаар Путин гарч ирээд эдгээр олигархи, луйварчдыг шоронд илгээхийн шорон илгээж, заримыг нь эх орноосоо зугтаалгаж харийн гүрэнд үүрд цөллөгт явуулсан. Оросын ойрын сургамжит түүх Монголд 20-иод жилийн дараа яг дүрээрээ давтагдаж байна. Монголын мафи, олигархиудыг Монгол төр нэгэнт дийлэхээ болжээ. Одоо Монголчууд 1910-1920 онд Монгол улсаа Хятадаас аврах тусламжийг Оросоос гуйсан шиг Монгол улсаа дотоодын мафи, олигархиудаас аврах тусламжийг Путинээс гуйхаас өөр аргагүй болоод байна.
2018-11-28
Дэлхийд зэсийн оборлолт, баяжуулалт, цэвэр зэсийн үйлдвэрлэлээр тэргүүлдэг Чили улсад нийт зэсийн хүдэр олборлолт, баяжуулалт, цэвэр зэс үйлдвэрлэлийн 84 хувийг 100 хувь төрийн өмчит аварга CODELCO компани гүйцэтгэж байна. Харин Чилийн зэсийн хүдэр олборлолтын 16 -хан хувийг хувийн болон гадаадын хөрөнгө оруулалттай уул уурхайн 70 орчим жижиг компаниуд гүйцэтгэж байна. Эдгээр 70 орчим уул уурхайн жижиг компаниуд олборлосон бүх зэсийн хүдрээ 100 хувь төрийн өмчит зэсийн хүдэр баяжуулах, цэвэр зэс үйлдвэрлэх Empresa Nacional Minena (ENAMI) компанид тушаадаг байна. Энэ бүхнээс үзэхэд дэлхийд зэсийн үйлдвэрлэлээр тэргүүлдэг Чилид зэсийн хүдэр олборлох, баяжуулах, цэвэр зэс гаргах бүх үйл ажиллагааг 100 хувь төрийн өмчит компаниуд гүйцэтгэж байна. Иймд Монголчуудын саалийн үнээ болсон зэсийн хүдэр олборлох, баяжуулах Эрдэнэт үйлдвэр маань 100 хувь төрийн өмчид байх нь нийт Монголчуудын эрх ашиг, олон улсын жишигт нийцэж байна. Төр муу менежер, шахааны бизнес гэсэн нэр томъёог уул уурхайн үйлдвэрүүдийг хувьчилж авах, газрын баялагийн үр өгөөжийг нийт Монголчуудтайгаа бус цөөхүүлээ хүртэхийг санаархагчид гаргадаг юм шүү дээ. Эрдэнэт үйлдвэр маань 100 хувь төрийн өмчит компани болвол үр өгөөжийг цөөн хэдэн улс төрчид, авилгачид, олигархиуд, оффшортнууд бус, харин нийт Монголчууд маань хүртэнэ. Эрдэнэт үйлдвэрийн 49 хувийг хувийн компанид өгөх нь зүйтэй гэж ярьж байгаа АН-ын нөхдүүд бол мөн чанартаа хувийн атгаг шуналдаа хөтлөгдсөн, Монгол түмнийхээ эсрэг бодол санаатай этгээдүүд юм.
2018-11-28
Улс орны хөгжлийн үзүүлэлт нь хуримтлуулсан материаллаг баялаг, арвин ургац, том хотууд бус харин хүмүүжсэн хүн. /Америкийн нэрт гүн ухаантан Р.У.Эмерсон/
2018-11-28
Засгийн газарт мөнгө, эрх мэдэл хоёрыг өгөх нь өсвөр насны хүүхдэд виски, машины түлхүүр хоёрыг өгөхтэй яг адил. /П.Ж.Рурке/
2018-11-28
Манай үеийнхэний оюун ухааны алдаа бол зөвхөн ардчилсан сонгууль л болж байвал эдийн засгийн таатай нөхцлийг бүрдүүлнэ гэж үздэгт байгаа юм. (АНУ-ын Флоридагийн их сургуулийн профессор Жеймс Гуартни, Монтанагийн их сургуулийн профессор Ричард Строуп, Жоржиагийн их сургуулийн профессор Дуайт Ли)
2018-11-28
“Мөнгөний нийлүүлэлтийн өсөлт нь түүний үнэлэмж буюу худалдан авах чадварыг бууруулдаг боловч бусад таваараас ялгаатай мөнгөний онцлог шинж нь гэвэл мөнгөн тэмдэгт гэсэн таваарын өсөлт нь олон нийтэд ач тусаа өгөхгүй. Мөнгөний өсөлтийг нийгмийн орлого буюу баялагийн өсөлт гэж үзэж болохгүй. Энэ нь олон нийтийн хэрэглээний таваарын тоо хэмжээг нэмэгдүүлэхгүй” гэж АНУ-ын Нью Йоркийн их сургуулийн профессор, нэрт эдийн засагч Людвиг фон Мизес хэлжээ. Энэ нь мөнгө бол нийгмийн баялагийг орлохгүй гэсэн үг юм. Мөнгө нь зөвхөн ардаа алтан баталгаа, эсхүл өмнө нь Монголд өөрсдийн улаан гараар бүтээгдсэн нийгмийн бодит баялагаар баталгаажсан байх ёстой бөгөөд ингээгүй тохиолдолд зүгээр л цаас юм. Иймээс Монголын нийгэмд Эрдэнэт, Монголросцветмет нэгдлийн 49 хувьтай тэнцэх хэмжээний нийгмийн баялаг өөрсдийн улаан гараар бүтээгээд, тэр баялагаа ХХБ-нд барьцаанд тавиад Эрдэнэт, Монголросцветмет нэгдлийн 49 хувийг ХХБ-ны зээлээр авч байгаа бол тэр нь шударга асуудал. Харин Монголд Эрдэнэт, Монголросцветмет нэгдлийн 49 хувьтай тэнцэх хэмжээний нийгмийн баялаг өөрсдийн улаан гараар бүтээгээгүй бөгөөд ХХБ-нд Эрдэнэт, Монголросцветмет нэгдлийн 49 хувьтай тэнцэх хэмжээний нийгмийн баялаг барьцаанд тавиагүй бол мөн чанартаа бусдын үйлдвэрлэн бүтээсэн баялагийг (Эрдэнэт үйлдвэрийг) мөнгөөр тонон дээрэмдэж байгаа хэрэг юм.
2018-11-28
“Хувь хүн баялагтай болох хоёр зам байдаг. Үйлдвэрлэн бүтээх, эсвэл тонон дээрэмдэх. Хүмүүс бараа, үйлчилгээ үйлдвэрлэж, тэднийгээ орлого болгон солих замаар урагшладаг. Орлого олж авах ийм арга нь солилцоо хийж буй түншүүдэд нь тус болж, нийгмийн баялагийг нэмэгдүүлдэг. Харин бусдын үйлдвэрлэн бүтээснийг тонон дээрэмдэх арга нь нэмэлт орлого үйлдвэрлэхгүй байхаар зогсохгүй, нөөц баялагийг хэрэглэж, ингэснээрээ нийгмийн баялагийг хороодог. Засгийн газар бүтээлч үйл ажиллагааг дэмжиж, тонон дээрэмдэхийг хааж боовол эдийн засгийн хөгжил, дэвшлийг урагшлуулж байгаа хэрэг” гэж АНУ-ын Флоридагийн их сургуулийн профессор Жеймс Гуартни, Монтанагийн их сургуулийн профессор Ричард Строуп, Жоржиагийн их сургуулийн профессор Дуайт Ли нар хэлжээ. Монголын нийгэмд Эрдэнэт, Монголросцветмет нэгдлийн 49 хувьтай тэнцэх хэмжээний нийгмийн баялаг өөрсдийн улаан гараар бүтээгээд, тэр баялагаа ХХБ-нд барьцаанд тавиад Эрдэнэт, Монголросцветмет нэгдлийн 49 хувийг ХХБ-ны зээлээр авч байгаа бол тэр нь шударга асуудал. Харин Монголд Эрдэнэт, Монголросцветмет нэгдлийн 49 хувьтай тэнцэх хэмжээний нийгмийн баялаг өөрсдийн улаан гараар бүтээгээгүй бөгөөд ХХБ-нд Эрдэнэт, Монголросцветмет нэгдлийн 49 хувьтай тэнцэх хэмжээний нийгмийн баялаг барьцаанд тавиагүй бол бусдын үйлдвэрлэн бүтээсэн нийгмийн баялагийг (Эрдэнэт үйлдвэрийг) мөнгөөр тонон дээрэмдэж байгаа хэрэг юм.
2018-11-28
Социализмаас шилжиж байгаа улсуудын хувьд арван жилийн өмнө бол “хувьчлал, хувьчлал, хувьчлал” гэсэн гурван үгийг хэлэх байсан. Гэхдээ би андуурч байжээ. Хууль дээдлэх ёс хувьчлалаас илүү чухал байж. (АНУ-ын Чикагогийн их сургуулийн профессор, нэрт эдийн засагч, Нобелийн шагналт Мильтон Фридман)
2018-11-28