Онцгой байдлын ерөнхий газраас Баян-Өлгий, Говь-Алтай, Завхан, Ховд, Увс аймгийн нутагт болсон цаг агаарын гамшигт үзэгдлийн улмаас үүссэн нөхцөл байдлын талаар мэдээлэл хийж байна.

Хүчтэй салхи, шуурга: Увс аймгийн Улаангом сум Баян-Өлгий, Увс, Ховд, Говь-Алтай аймагт 11.24-25-ны өдрүүдэд  34 м/с хүчтэй шороон болон цасан шуурга шуурсны улмаас Увс аймгийн Түргэн сумын Баянхайрхан багийн “Шургадагийн сайр” гэдэг газар /аймгийн төвөөс хойд зүгт 20 км-т, сумын төвөөс урд зүгт 5 км-т/  ОХУ-аас ирж байгаа 120 кВ-ын 3 ширхэг цахилгаан дамжуулах агаарын шугамын тулгуур, Улаангом сумаас Өмнөговь сумын чиглэлд /сумын төвөөс хойд зүгт 40 км-т, аймгийн төвөөс урд зүгт 110 км-т/ 120 кВ-ын 9 ширхэг цахилгаан дамжуулах агаарын шугамын тулгуур унасан. 

Засгийн газрын өнөөдрийн хуралдаанаар цахилгаан дамжуулах агаарын шугамын тулгуур баганыг сэргээн босгох ажилд шаардлагатай нэг тэрбум 400 сая төгрөгийн асуудлыг авч хэлэлцээд шийдвэр гаргажээ.