Автомашины "Ниссан Моторс" группын тэргүүн Карлос Гоныг өнгөрсөн сард Японы цагдаагийнхан баривчилсан билээ.

Түүнийг олон жилийн турш Японы Татварын албанд цалингаа худал мэдээлж, татвараас зайлсхийлсэн, эрх мэдлээ урвуулан ашиглаж, компаниас их хэмжээний мөнгө шамшигдуулсан гэх хэргүүдэд буруутгаж буй юм. 

Японы прокурорууд дээрх асуудлаар өчигдөр анх удаагаа мэдэгдэл хийсэн талаар "Ройтерс" агентлаг мэдээллээ. 

"Карлос Гон таван жилийн хугацаанд цалингаа худал мэдээлсэн болохыг шалгалтаар тогтоосон. Түүнийг энэ сарын 30-ны хүртэл баривчлахаар болсон" гэв. 

Дээрх баривчилгааны дараа "Ниссан"-ы тэргүүн болон ТУЗ-ын даргын суудлаас чөлөөлсөн юм. 

Б.Дэлгэрцэцэг