Улсын ерөнхий прокуророос дөрвөн гишүүний бүрэн эрхийг түдгэлзүүлэх саналыг УИХ-д ирүүлээд буй. Уг саналын дагуу өчигдөр УИХ-ын гишүүдийн халдашгүй байдлын дэд хороо хуралдаж, Л.Энхболд, Д.Дамба-Очир, Б.Ундармаа нараас тайлбар авсан. Харин УИХ-ын гишүүн Г.Солтан орон нутагт томилолттой байсан учраас хуралдаанд оролцоогүй байсан.
Тэрбээр өнөөдөр нийслэлд ирсэн байна. Ингэснээр халдашгүй байдлын дэд хороо хуралдаж, Г.Солтан гишүүнээс тайлбар авах боломжтой боллоо. Прокурорын саналын талаар УИХ-ын гишүүн Г.Солтан "Шалгуулахад надад айх зүйл байхгүй. Намайг түдгэлзэх, түдгэлзэхгүйг дөрөвдүгээр тойргийн ард түмэн мэднэ" гэсэн байр суурийг илэрхийллээ.
М.Болд
Уншиж байна |