АН-ын бүлгээс УИХ-ыг тараах, ээлжит сонгуулийг зарлах тогтоолын төслийг боловсруулж, гишүүдийн гарын үсэг цуглуулж байгаа. Уг тогтоолын төсөлд өнөөдөр УИХ-ын Г.Тэмүүлэн, Ж.Эрдэнэбат нар гарын үсэг зурлаа. УИХ-ын гишүүн Ж.Эрдэнэбат:
-Өнөөдрийн УИХ цаашдаа үйл ажиллагаа явуулах чадамжгүй. Тиймээс энэ УИХ тарах ёстой гэсэн тогтоолын төсөлд гарын үсэг зурлаа хэмээв.
-Та энэ Засгийн газарт ямар дүгнэлт хийж байна вэ?
УИХ-ын гишүүн Ж.Эрдэнэбат:
-Би өмнөх болон энэ удаагийн Засгийн газрын явуулж байгаа үйл ажиллагаанд санал шүүмжлэл хэлмээргүй байна. Албан тушаалын хүсэл шуналд үндэслэгдсэн гарын үсэг зурсан нь манай Засгийн газрыг огцруулсан гэдэг нь тодорхой байсан.
УИХ-ын гишүүн Г.Тэмүүлэн:
-Миний хувьд УИХ-ыг тараах асуудлыг дэмжиж гарын үсэг зурж байна. Улс төрийн нөхцөл байдалд тохируулж, хууль боловсруулж болохгүй.
Н.Энх