У.Хүрэлсүх: Сайжруулсан шахмал түлш утааг 50 хувь бууруулна
2019-1-24

Нийслэлийн нутгийн захиргааны байгууллагуудын төрийн албан хаагчдын зөвлөгөөнд Монгол Улсын Ерөнхий сайд У.Хүрэлсүх оролцож, үг хэллээ.

 

Засгийн газраас 2019 оныг “Иргэн төвтэй төрийн үйлчилгээний жил болгон зарласантай холбогдуулан төрийн бүх шатны байгууллага шударга ёс, сахилга, хариуцлагаа чангатгаж, иргэдэд төрийн үйлчилгээг ёс зүйтэй, ил тод нээлттэй, шударга, авлигагүй, алагчлалгүй, тэгш хүртээмжтэй хүргэх учиртайг Ерөнхий сайд төрийн албан хаагчдад онцгой анхааруулаад нийслэл энэ оныг “Иргэдийн оролцоотой хөгжлийн жил”-ээр зарласныг  дэмжиж байгаагаа илэрхийлэв.

 

Монгол Улсын эдийн засаг 2018 оны эхний 3 улиралд сүүлийн 4 жилийн хугацаанд хамгийн өндөр хувиар буюу 6.4 хувиар өслөө.

 

Улсын нэгдсэн төсвийн тэнцэл сүүлийн 8 жилийн хугацаанд анх удаа ашигтай гарав. Засгийн газар байгуулагдсанаас хойш зээлийн үндсэн болон хүүгийн төлбөрт 6.5 их наяд төгрөг төлснөөс 2018 онд 3.7 их наяд төгрөгийн төллөө. Макро эдийн засгийн орчин тогтворжиж, Монгол Улсын зээлжих зэрэглэл сайжирлаа зэрэг эдийн засгийн өсөлтийн талаар тэрбээр хэллээ. Эрчимт эмчилгээний тасгаас энгийн тасагт шилжээд байсан эдийн засаг эмнэлгээс гарч гэрээр эмчлүүлж байна хэмээн тэрбээр зүйрлэв.

 

Монгол Улс нефьтийн үйлдвэртэй болно. Шинэ цэвэрлэх байгууламжийн ажил энэ хавар эхэлнэ. Шинэ нисэх буудал энэ оны долдугаар сард ашиглалтад орно. Үүнийг дагаад дагуул хотууд бий болно зэрэг бүтээн байгуулалтын ажил энэ жил үргэлжилнэ.

 

Засгийн газар ирэх тавдугаар сараас Улаанбаатар хотод ахуйн зориулалтаар түүхий нүүрс оруулахгүй, гэр хороололд түүхий нүүрс хэрэглэхгүй байх шийдвэр гаргаж, ”Эрдэнэс Тавантолгой” ХК-ийн дэргэд “Тавантолгой түлш” ХХК байгуулсан. Сайжруулсан шахмал түлшний үйлдвэр байгуулсан.

 

Улаанбаатар хотод 220 мянган айл жилд нэг сая 200 мянган тн түүхий нүүрс шатааж байна. 220 мянган бага оврын уурын зуух ажиллаж байна гэсэн үг. Дээр нь 3000 нам даралтын зуух байна. Эдгээр зуух Улаанбаатар хотын утааны 90 хувийг “үйлдвэрлэж” байгаа.  Жилд нэг сая 200 мянган тн түүхий нүүрс түлдэг байсан бол сайжруулсан шахмал түлш 600 мянган тн-ыг түлнэ. Тоон харьцуулалтаас харахад ч агаарын бохирдол 50 орчим хувиар багасахаар байгаа. Сайжруулсан түлшийг иргэдэд хүргэх, нийслэлийн утааг 50 хувь бууруулах ажлыг гол зохион байгуулах хүмүүс бол нийслэлийн төрийн албан хаагчид та бүхэн гэдгийг Ерөнхий сайд хэллээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Shuud.mn
Сонин хачин
зочин:
Утаа бараг 50 хувь буурах байх аа, Шахмал түлш үнэхээр сайн юм билээ, илч сайтай, утаа бага гардаг,,,Тэгж чадвал ч Ерөнхий сайдыгаа дахиад сонгоно шүү, Утаа буурвал өвчлөл энэ хэмжээгээр буурна гэсэн,, олон хүүхэд хөгшдийн амийг аварч байна аа л гэсэн үг
2019-01-25
Иргэн:
Ирэх жил хотын утаа 50% буурна гэдэг бол ЗГ-ын тэргүүний хувьд хэлж мөрөөдөж байгаа нь чамлалттай байнаа?! Наад түлш чинь яагаад ч тэгж бууруулахгүй?! Ард түмнийг тайвшруулж хохироох арга хэрэглэхээ боль?! Утааг цахилгаан, шатдаг хий, орон сууц гурваар л багасгана?! Хэрэв ирэх онд утаа хүний эрүүл мэндэд нөлөөлөхгүй болгож чадахгүй бол үг дуугүй өөрөө огцрох ёстойшдээ!'
2019-01-24
Иргэн:
Ирэх жил хотын утаа 50% буурна гэдэг бол ЗГ-ын тэргүүний хувьд хэлж мөрөөдөж байгаа нь чамлалттай байнаа?! Наад түлш чинь яагаад ч тэгж бууруулахгүй?! Ард түмнийг тайвшруулж хохироох арга хэрэглэхээ боль?! Утааг цахилгаан, шатдаг хий, орон сууц гурваар л багасгана?! Хэрэв ирэх онд утаа хүний эрүүл мэндэд нөлөөлөхгүй болгож чадахгүй бол үг дуугүй өөрөө огцрох ёстойшдээ!'
2019-01-24
Иргэн:
Ирэх жил хотын утаа 50% буурна гэдэг бол ЗГ-ын тэргүүний хувьд хэлж мөрөөдөж байгаа нь чамлалттай байнаа?! Наад түлш чинь яагаад ч тэгж бууруулахгүй?! Ард түмнийг тайвшруулж хохироох арга хэрэглэхээ боль?! Утааг цахилгаан, шатдаг хий, орон сууц гурваар л багасгана?! Хэрэв ирэх онд утаа хүний эрүүл мэндэд нөлөөлөхгүй болгож чадахгүй бол үг дуугүй өөрөө огцрох ёстойшдээ!'
2019-01-24
irgen:
Ene gantshan 50% buurna baih gej bodood suuj bolohgui ee tsaashid ger orniig oron suutsjuulah tsahilgaan halaaguuriig nevtruuleh, tognii tolboriig bagasgah, nemj tsahilgaan stants barih, ger horoolliin bugsuudiig nuulgen shiljuuleh, hotoos ih surguuliud zahuudiig nuulgen shiljuuleh gesen tal taliin arga hemjeenuudiig avahgui bol ene gants shahmal tulshnii uildver yriad hereggui!!!!!!!!!!
2019-01-24
зочин:
Утаа буурах эсэх нь 2019-2020 оны өвөл л УБ-н нийт оршин суугчдад мэдэгдэнэ, одоо бол зүгээр л амлалт.
2019-01-24
Гуцаааааа...л
2019-01-24