Хаврын чуулганаар хэлэлцэх асуудлын тухай УИХ-ын тогтоолын төслийг хэлэлцэхийг дэмжлээ
2-1

Төрийн байгуулалтын байнгын хорооны хуралдаанаар Хаврын чуулганаар хэлэлцэх асуудлын тухай УИХ-ын тогтоолын төслийг хэлэлцлээ. Төрийн байгуулалтын байнгын хороонд нийт 119 төслийн санал ирүүлжээ. Ерөнхийлөгчөөс таван санал ирүүлснээс  гурвыг нь тусгажээ. УИХ дахь  МАН-ын бүлгээс  14,  УИХ дахь АН-аас 16 хуулийн төсөл тус тус иржээ. Дээрх хуулийн төслүүдээс зарим нь давхацсан байна. Засгийн газраас 49 төсөл ирүүлснээс наймыг нь тусгажээ.

 

Уг тогтоолын төслийг боловсруулахдаа Засгийн газрын үйл ажиллагааны мөрийн хөтөлбөрийг хэрэгжүүлэх зорилгыг баримталжээ. Хэлэлцэж байгаа асуудалтай холбогдуулан гишүүд асуулт тавьж, хариулт авав. УИХ дахь АН-ын бүлгийн дарга Д.Эрдэнэбат:

 

-Ерөнхий сайд чинь ард түмэндээ хайртай хүн болоод баялгийг хүртээнэ гээд байгаа. Баялгийн хуулийг батлаагүй байж яаж олгох гээд байгаа юм бэ. Бараа бүтээгдэхүүний сонгон шалгаруулалтын тухай хуулийн төсөл алга байна. Яагаад оруулсангүй вэ. Хаврын чуулангаар бид Сонгуулийн тухай хуулиа хэлэлцэж батлах хэрэгтэй. Улс төрийн намуудын тухай хууль, Сонгуулийн хууль хоорондоо уялдаатай. Тиймээс ажлын хэсгийг нэг болгомоор байна.

 

Төрийн байгуулалтын байнгын хорооны дарга Д.Лүндээжанцан:

 

-Оруулъя гэвэл 119 хууль байна. ЖДҮ-ийн тухай хууль хэлэлцэх шатандаа яваа учир орно. Нийслэлийн эрхзүйн байдлын тухай хууль мөн нэгдүгээр хэлэлцүүлгийн шатандаа байгаа.

 

Ингээд хаврын чуулганаар хэлэлцэх асуудлын тухай УИХ-ын тогтоолын төслийг хэлэлцэхийг дэмжлээ.

Н.Энх

Shuud.mn
Сонин хачин