Агаарын бохирдлыг асуудлыг хэлэлцсэн ерөнхий хяналтын сонсголын үеэр Ерөнхийлөгч Х.Баттулга Байгаль орчин, хүнс хөдөө аж ахуйн байнгын хорооны дарга Л.Элдэв-Очирыг 100 тэрбум төгрөгийн утаагүй зуух шахсан хэмээн хэлсэн юм. Үүнээс үүдэн Ерөнхийлөгч, гишүүн хоёрын дунд жижигхэн "тэмцэл" өрнөөд байна. УИХ-ын даргыг томилгоог хэлэлцэх үеэр УИХ-ын гишүүн Л.Элдэв-Очир Ерөнхийлөгчөөс болгоомжлохыг Г.Занданшатарт захилаа.
Ерөнхийлөгч Х.Баттулга: Байнгын хорооны дарга Л.Элдэв-Очир өөрөө утаагүй зуух зарсан компанитай холбоотой. Утаагүй зуух гэж байхгүй дэлхий даяараа нотолсон байхад 100-аад тэрбум төгрөгийн зуух шахсан. Туршлага хийгээд явж байна. Туршилт маш олон хүүхдийн амиар хийгдсэн.
УИХ-ын гишүүн Л.Элдэв-Очир: ҮАБЗ-ийн гишүүн Х.Баттулга гэж хүн болчимгүй үйлдэл хийж байна. Байгаль орчин, хүнс хөдөө ахуйн байнгын хорооны хуралдаан дээр байнгын хорооны даргыг хууль ярилаа гэж загналаа. Би Ерөнхийлөгчийг албан тушаалд очоод буурь сууж, монголчуудыг хагалгадаг, компаниудыг муудалцуулдаг асуудлаа больж, төлөвшсөн болов уу гэсэн үгүй юм байна.
Өчигдөр дөрвөн байнгын хорооны даргыг урьж уулзлаа. Тэгэхдээ надад "чи чинь нэг сонгогдсон олигархи билүү" гэх юм. Олигархи гэдэг үгийг өөр дээрээ хаяглаж бодох ёстой. Аманд орсон үгээрээ хүнийг дайрч, доромжилж байдаг хүн.
Ерөнхийлөгч бид хоёр нэг тойрог дээр өрсөлдсөн. Ялсан, ялагдсан л зүйл байгаа. “100 тэрбум төгрөгөөр зуух шахсан хүн миний хажууд сууж байна” гэж гүтгэлээ. Ийм гүжир гүтгэлгийг энэ хүн хийж сурсан юм байна.
М.Болд