УИХ-ын МАН-ын бүлгийн дарга Ө.Энхтүвшин дөнгөж сая мэдээлэл хийлээ. Бүлгийн хуралдаанаар Ардчилсан намын Засгийн газрын сайд нарын оронд томилогдох сайд нарын нэрийг Ерөнхий сайдын санал болгож, Удирдах зөвлөлөөр хэлэлцсэн хүмүүсийн нэрийг хэлэлцсэн юм.
Бүлгийн хуралдааны үеэр шинээр томилогдох Засгийн газрын сайд нарын гуравыг МАН-ын бүлгээс, үлдсэн гурвыг нь бусад гишүүдээсээ сонгохоор тогтсон байна. Энэ дагуу гишүүдийн дунд хоёр шаттайгаар санал хураалт явуулж, ЗТБХБ-ын сайдаар УИХ-ын гишүүн Ц.Дашдорж, Сангийн сайдаар Д.Хаянхярваа нар олонхийн саналыг авсан байна.
Харин Батлан хамгаалахын сайдад УИХ-ын гишүүн Ж.Энхбаяр, Ц.Батбаяр нарын гишүүдийн нэрийг өрсөлдүүлсэн боловч дээрх хоёр гишүүн 21, 21 санал авч тэнцсэн байна. Дээрх хоёр хүний хэнийг нь сайд болгох эсэхийг одоо хуралдах МАН-ын Удирдах зөвлөлийн хурлаар шийдвэрлэх ажээ. Одоо УИХ дахь МАН-ын бүлгээс бусад гишүүдийн өрсөлдөх гурван сайдын суудлын асуудлаар МАН-ын Удирдах зөвлөл хуралдаж, дараа нь дахин бүлэг хуралдана гэв.