"МАНАН дэглэмийн эсрэг Монгол түмний нэгдэл"-ээс Авлигатай тэмцэх газрын дарга Х.Энхжаргалыг 72 цагийн дотор сайн дураараа огцрохыг шаардсан тулган шаардах бичгийг өгөв.
Тус тулган шаардах бичигт:
"Авлигатай тэмцэх газар нь ард түмний талд, хараат бус, ил тод ажиллана гэсэн суурь зарчимтай тусгай байгууллага. Гэвч авлигагүй ниймгийг бүтээх эрхэм зорилгын дор байгуулагдсан энэ газар суурь зарчмыг баримтлан шударга ажиллахын оронд эрх мэдэлтнүүдийн дохио зангаагаар ажилладаг болсоор удаж байна.
Иймд дараах гурван үндэслэлэээр АТГ-ын дарга Х.Энхжаргалыг энэ албыг хариуцан ажиллах ёс зүйн чадамжгүй гэж үзэн, АТГ-ын даргын үүрэгт ажлаас сайн дураараа 72 цагийн дотор огцрохыг шаардаж байна.
1. Авлигын томоохон хэргүүдийн эздийг сүр дуулиантайгаар баривчлаад “...хэрэг шалгагдаж байгаа, мэдээлэл өгөх боломжгүй...” гэдэг үгээр олон нийтийг төөрөгдүүлэн авлигчдыг хамгаалалтандаа авч, Авлигатай тэмцэх газар бус авлигчдыг тэтгэх газар болж хувирсан.
2. АТГ зөвхөн МАНАН бүлэглэлийн улстөрийн захиалгат, өрсөлдөгчөө замаасаа зайлуулан намнах зориулалт бүхий үйл ажиллагаа явуулдаг болсон. Тухайлбал Засгийн газрыг огцруулах болон УИХ-ын сонгуулийн өмнө гэнэт мэдэгдэл хийж чиглэлийн дагуу захиалгаар баривчилгаа хийдэг.
3. Байгуулагдсанаас хойш авлигын индекс огт буурахгүй байна.
Иймд Х.Энхжаргал та суудлаасаа нэн даруй огцрохыг шаардаж байна” гэжээ.
Г.Сүрэн