Х.Булгантуяа: Гадаадын хөрөнгө оруулалттай банк оруулж ирвэл давуу тал, боломж байгаа
2019-02-22

“Тинк банк 2019” хэлэлцүүлэг Төрийн ордонд боллоо. Энэ үеэр Сангийн дэд сайд Х.Булгантуягаас цаг үеийн асуудлаар зарим зүйлийг тодрууллаа.

 

-Эдийн засгийн өсөлт иргэд, аж ахуйн нэгжид мэдэгдэхгүй байна. Тоон үзүүлэлтээс илүү чанарт анхаарч хүртээмжийг бий болгох хэрэгтэй гэж байна. Сангийн яамнаас энэ талаар ямар бодлого барьж байна вэ?

 

-Үүнтэй уялдуулж барьж байгаа хамгийн том бодлого бол Татварын багц хууль. Өнгөрсөн 2018 оны хавар УИХ-д өргөн барьсан. Энэ  хуулийн төсөл жижиг, дунд бизнес рүү чиглэсэн, тайланг энгийн болгосон. Өнөөдөр аж ажуйн нэгжүүд банкинд очоод зээл авах гэхээр татварын өртэй, тайлангаа буруу үйлдсэн зэрэг асуудал гардаг. Манай улсын хувьд жижиг аж ахуйн нэгж 80 хувийг эзэлдэг. Энэ аж ахуйн нэгжүүдийг дундаас том руу оруулахад бид тайланг хөнгөвчлөх, татварын системийг боловсронгуй болгох нь чухал. Бизнесмэнүүд зээлийн хүүг бууруулж, бичиг цаас, зөвшөөрлийг багасгах хэрэгтэй байна гэж хүсдэг. Ихэнх цагаа бичиг цаастай хөөцөлдөж, дарга нарын үүд сахихад зарцуулж байна гэдэг.

 

Мэдээж, эдийн засаг өсөх нь бизнесүүдийн давуу талыг бий болгодог. Уул уурхайн салбарт нэг ажлын байр бий болоход бусад салбарт 10 ажлын байр бий болдог гэдэг. Уул уурхайн өсөлт, уул уурхай руу орж байгаа хөрөнгө оруулалт бүхий л салбарт нөлөөлдөг үзүүлж байгаа. 

 

-Гадаадын банкийг оруулж ирэх нь өнөөдөр цаг үеэ олсон шийдвэр биш. Бид илүү эрсдэл хүлээнэ гэж зарим эдийн засагчид хэлж байна. Үүнтэй санал нэгдэх үү?

 

-Мэдээж эрсдэл бол байгаа. Хөрөнгө оруулалтын банкны тухай хуулийг УИХ нухацтай хэлэлцэж байна. Хэрвээ энэ хууль батлагдвал банк, санхүүгийн салбарт маш том өөрчлөлт гарна. Өнөөдөр банкны зээлийн хүү өндөр байгаа. Тиймээс гадаадын хөрөнгө оруулалттай банк оруулаад ирвэл асуудал шийдэгдэнэ гэж үзэх хэсэг байна. УИХ үүн дээр анхааралтай хандаж, зөв хэрэгжүүлвэл давуу тал, боломж байгаа. Иргэдийн хувьд гадаадын хөрөнгө оруулалт орж ирвэл зээл авна гэсэн ташаа ойлголттой байж магадгүй. Аж ахуй нэгжүүд рүү хөрөнгө оруулалтаа хийгээд явах байх.

 

-Манайд өнөөдөр хичнээн гадаадын хөрөнгө оруулалттай банк үйл ажиллагаагаа явуулж байна вэ?

 

-Өнгөрсөн хугацаанд манайд гадаадын банкууд салбараа нээгээд ажиллаж байна. Төлөөлөгчийн газраа ажиллуулсны дараагаар салбараа нээдэг. Одоогоор хуулийн төсөлд гадаадын хөрөнгө оруулалттай банкны тоог заагаагүй. Хуульд нийцсэн байвал гадаадын хөрөнгө оруулалттай банкууд орж ирж болно. Үүн дээр Монголбанкнаас шаардлага тавьдаг.

 

-Өнгөрсөн жил ОУВС-гийн хөтөлбөрөөс орж ирэх мөнгө дутуу олгогдсон. Энэ онд санхүүжилт бүрэн орж ирэх үү?

 

-ОУВС-гийн хөтөлбөр үнэлгээ хийгээд Удирдах зөвлөлийн хурлаараа оруулдаг. Өнгөрсөн оны үнэлгээ 2019 оны эхний улиралд хийнэ. Ингэснээр өнгөрсөн оны үлдэгдлээс 400 орчим сая ам.доллар дүгнэлт гарсны дараагаар орж ирнэ.

Н.Энх


 


 

Shuud.mn
Сонин хачин
одоо ГАДААДЫН ХӨРӨНГӨ ОРУУЛАЛТГҮЙ БАНК МОНГОЛД ХЭД БАЙНА. БАРАГ ҮГҮЙ ДЭЭ.ЭНЭ ХҮН ЮУГАА ЯРИАД БАЙНА.БАС ЦАХИМ МӨНГӨ ЭНЭ ТЭР ГЭНЭ
2019-02-25
билл:
угаасаа гадны банк оруулах гэж монголын банкуудад дарамт үзүүүлж иргэдийн зээлийг хүртэл хязгаарлаж эхэлсэн бодлого нь хятадын china bank орж ирнэ тодорхой харагаж байгаа шдээ хүмүүсээ
2019-02-24
МЭЛГЭРИЙН ЗАЛУУ АМРАГ
2019-02-22
Иргэн:
Монголын банкууд луйварчид болж зарчмаараа ажиллаж чадахгүй байгаа болохоор гадны банк оруулахад буруудах юмгүйлдээ?! Одоо яая гэхэв?! Ард түмэнд ашигтайг нь л барихаас?!...
2019-02-22
Иргэн:
Монголын банкууд луйварчид болж зарчмаараа ажиллаж чадахгүй байгаа болохоор гадны банк оруулахад буруудах юмгүйлдээ?! Одоо яая гэхэв?! Ард түмэнд ашигтайг нь л барихаас?!...
2019-02-22
Иргэн:
Монголын банкууд луйварчид болж зарчмаараа ажиллаж чадахгүй байгаа болохоор гадны банк оруулахад буруудах юмгүйлдээ?! Одоо яая гэхэв?! Ард түмэнд ашигтайг нь л барихаас?!...
2019-02-22
ГАДНЫ БАНК МОНГОЛД ОРЖ ИРЖ БАНК САНХҮҮГИЙН ШУДРАГА ӨРСӨЛДӨӨН ЭХЭЛНЭ. МАШ ЗӨВ ДЭМЖИЖ БАЙНА.
2019-02-22
Ёстой үнэн шүү!!! Өөрийн нохой ч гэж дээ манай баячууд ханаж цадахыг мэдэх биш. Ард биднийгээ хүн гэж тоохгүй ёстой нохой гахай жоом шиг үзэж байхад бид одоо тэднийг бодох уу?!
2019-02-22
Зочин:
Хүний Нохой идэхээр өөрийн нохой идэг гэдэг үгийг өвөг дээдэс минь хэлсэн бил ээ.
2019-02-22
Гадны банк оруулж ирээд Монголын том ломбардуудын ноёрхолыг няц дарах хэрэгтэй. Ядаж л зээлийн хүү буурна. Дагаад хадгаламжийн хүү буурна. Хүмүүс банкнаас мөнгөө татаад хөрөнгө оруулалт, хувьцаа, бизнесрүү түлхүү орно. Бизнес өргөжнөө гэдэг ажлын байр бий болно. Хувьцааны зах зээл хөгжинөө гэдэг эдийн засагт мөнгөний эргэлтэнд сайнаар нөлөөлнө. Гэтэл манай банкууд гэж мөнгөтэй хүнээс өндөр хүүтэй хадгаламжаар мөнгө татаж түүнийг илүү өндөр хүүтэйгээр бизнес эрхлэгчдэд өгч байна. Зүгээр 200 сая төг-тэй хүн мөнгөө хадгалаад хүүгээр нь хангалттай амьдарч байхад 200 сая төг зээлсэн бизнес эрхлэгч нь хүүндээ даруулаад дампуурч байх жишээний.
2019-02-22
Ёстой үнэн шүү!!! Өөрийн нохой ч гэж дээ манай баячууд ханаж цадахыг мэдэх биш. Ард биднийгээ хүн гэж тоохгүй ёстой нохой гахай жоом шиг үзэж байхад бид одоо тэднийг бодох уу?!