Гадаад харилцааны сайд Д.Цогтбаатар Ардчилсан орнуудын хамтын нийгэмлэгийн Ерөнхий нарийн бичгийн дарга Томас Гарреттийг 2 дугаар сарын 25-нд ГХЯ-нд хүлээн авч уулзав. Уулзалтын үеэр Гадаад харилцааны сайд Монгол Улс тус байгууллагын идэвхтэй гишүүн орны хувьд үйл ажиллагаанд идэвхтэй оролцож, ойр дотно хамтран ажиллаж ирснийг тэмдэглээд манай ардчиллын ололт амжилт, тулгарч буй сорилтуудын талаар мэдээлж, Монгол Улс сонгосон ардчиллаа улам бэхжүүлэн хөгжүүлэхээ илэрхийлэв.

Ноён Гаррет Ардчилсан орнуудын хамтын нийгэмлэгийн хүрээнд хэрэгжүүлж буй үйл ажиллагааны талаар товч танилцуулж, Монгол Улсын оруулж буй хувь нэмрийг өндрөөр үнэлж байгаагаа уулзалтын үеэр тэмдэглэв. Тэрбээр мөн тус байгууллагын 20 жилийн ойг тохиолдуулан Ардчилсан орнуудын хамтын нийгэмлэгийн Сайд нарын хурлыг 2020 онд Бухарест хотноо зохион байгуулахаар төлөвлөж байгаагаа танилцуулав.

Энэ дашрамд ноён Т.Гарретт нь 2000 онд Олон улсын Бүгд найрамдахчуудын хүрээлэнгийн Монгол Улс дахь төлөөлөгчийн газарт зөвлөхөөр ажиллаж байсан.

Эх сурвалж: ГХЯ