БНХАУ-ын хөнгөлөлттэй зээлээр баригдах шинэ төв цэвэрлэх байгууламжийн шав тавих ёслол болж байна. Төв цэвэрлэх байгууламжийн бүтээн байгуулалтын ажил маргаашнаас эхэлж, 36 сарын хугацаанд барихаар ТЭЗҮ-д тусгагдсан юм.

Шинэ цэвэрлэх байгууламж нь хоногт 250,000 метр/куб бохир ус хүлээн авч цэвэрлэх хүчин чадалтай, лагийг дулааны аргаар бүрэн боловсруулж био хий гарган цэвэрлэх байгууламжийн дотоодын эрчим хүчнийхээ хэрэгцээг 50 хувь хангах эко шийдэл бүхий байгаль орчинд ээлтэй дэвшилтэт шинэ технологийг Монгол улсад анх удаа нэвтрүүлэх юм.