Ууланд очиж амиа хорлосон иргэний цогцсыг олжээ.

Тодруулбал Нийслэлийн Сүхбаатар дүүргийн 19 дүгээр хороо, “Шарга морьт” зуслангийн хойд ууланд 02.26-ны өдрийн 13:40 цагийн үед хүн төөрсөн гэсэн дуудлага Онцгой байдлын албанд ирсэн байна. Дуудлагыг 03.05-ны өдрийн 08:00 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 20 алба хаагч, тус дүүргийн Цагдаагийн 2 дугаар хэлтсийн 60 алба хаагч, нийт 80 алба хаагч, 7 техник хэрэгсэлтэйгээр 03.05-ны өдрийн 09:30 цагт эрэн хайх, аврах ажиллагааг зохион байгуулжээ.

Улмаар мөн өдрийн 11:30 цагт тус зуслангаас 5 км-т “Гонгор” хайрхан гэдэг газраас Увс аймгийн харьяат иргэн Г /32 настай, эрэгтэй/ амиа хорлосон байсныг олж, цогцсыг цагдаагийн байгууллагад шилжүүлэн өгсөн байна.

Г.Сүрэн