Улаанбаатар
Хууль бус томилгооны зөрчлөө арилгах үүрэг өглөө
10 өдөр

Шинэчлэн баталсан “Төрийн албаны тухай хууль”-ийг 2019 оны 1 сарын 1-нээс мөрдөж эхэлсэнтэй холбогдуулан хуулийн хэрэгжилтийг эрчимжүүлэх зорилгоор бүх шатны төрийн захиргааны байгууллагын томилох эрх бүхий албан тушаалтнуудад гурван  чиглэлээр хугацаатай албан даалгавар хүргүүллээ.

 

Албан даалгаварт төрийн зарим байгууллагууд Төрийн албаны тухай хууль зөрчсөн хүний нөөцийн хууль бус томилгооны зөрчлөө өөрсдөө арилгах,  шүүхийн шийдвэрийг биелүүлэх, зэрэг дэв олгохдоо УИХ-ын 2019 оны 21 дүгээр тогтоолоор баталсан журмыг мөрдөж ажиллах, чиглэл өглөө. 

 

Шинээр мөрдөж байгаа хуулинд ажлаас үндэслэлгүй халагдсан нь шүүхээр тогтоогдвол урьд нь эрхэлж байсан ажил, албан тушаалд нь төрийн албан хаагчийг эгүүлэн томилж, ажилгүй байсан хугацааны цалин хөлсийг нөхөн олгохоор туссаны зэрэгцээ нөхөн олгоогүй бол тухайн хууль бус шийдвэр гаргасан буруутай албан тушаалтнаар нөхөн төлүүлэхээр  тусгасан аж.


Эх сурвалж: Төрийн албаны зөвлөл

Shuud.mn
Сонин хачин