Шинэ Зеландын Кристчөрч хотын төвд байрлах исламын шашны "Мажид Аль Нур" гэх сүмд зэвсэгт халдлага гарсан талаар "CNN" агентлаг шуурхай мэдээллээ.

"Зэвсэглэсэн этгээд сүм рүү нэвтэрч, мөргөл үйлдэж байсан мөргөлчид рүү гал нээсэн" гэж гэрчүүд өгүүлэв. 

Энэхүү халдлагаар олон хүн амиа алдаж, олон зуун хүн шархадсан гэнэ. Цагдаагийнхан сүмийн ойр орчмыг хамгаалалтадаа авч, ганцхан түргэний машиныг л дотогш нэвтрүүлж байна. 

Халдлагатай холбогдуулан Ерөнхий сайд Жасинда Ардерн орон даяар онцгой байдал зарлаж, цагдаа хүчнийг сонор сэрэмжтэй байхыг анхаарууллаа. 

Сүмд болсон халдлагыг "террорист халдлага" хэмээн Ерөнхий сайд мэдэгдэж "Түүхэндээ анх удаагаа ийм олон хүний аминд хүрсэн халдлага гарлаа. Хэргийн нарийвчлан шалгаж, буруутанг заавал хатуугаар шийтгэх болно" гэж мэдэгджээ. 

Халдлагыг цэргийн хээрийн хувцас өмссөн, автомат буугаар зэвсэглэсэн 30-35 орчим насны, цагаан арьстай эрэгтэй хүн үйлдсэн аж. 

Б.Дэлгэрцэцэг