Шинэ Зеландын Кристчөрч хотын төвд байрлах исламын шашны "Мажид Аль Нур" сүмд хэдхэн минутын өмнө зэвсэгт халдлага болж, олон хүн амиа алджээ.
Автомат буугаар зэвсэглэсэн этгээд сүм рүү нэвтэрч, мөргөлчид рүү гал нээсэн гэнэ. "Сүм дотор ойролцоогоор 20 гаруй удаа буун дуу сонсогдсон" гэж цагдаагийнханд дуудлага өгсөн гэрч өгүүлжээ. Мөн сүмийн ойролцоо гүйж байсан иргэд мөн буун дуу, хүмүүсийн орилооныг сонссон гэж ярьцгаасан аж.
Халдлагаар хэдэн хүн амиа алдаж, хэдэн хүн шархадсан гэх нарийн мэдээллийг цагдаагийн байгууллагаас нийтэд мэдээлээгүй байна.
Тэгвэл цагдаагийнхан шуурхай ажиллаж халдлагатай холбоотой байж болзошгүй дөрвөн этгээдийг баривчилсан гэж "CNN" агентлаг мэдээллээ.
Энэ талаар Шинэ Зеландын Цагдаагийн Ерөнхий газрын дарга Майк Буш мэдэгдэж "Халдлагатай холбоотой гурван эрэгтэй, нэг эмэгтэйг саатуулаад байна" гэж хэлжээ.
Б.Дэлгэрцэцэг
Уншиж байна |