Шадар сайд Ө.Энхтүвшин нар  “Эрдэнэт” үйлдвэр, Стандарт банкны асуудлаар мэдээлэл хийлээ. Шадар сайд Ө.Энхтүвшин:

-Анх "Жаст" группын Ерөнхий захирал Г.Батхүү 200-2010 онд өмнөд Африкийн Стандарт банктай зээлийн гэрээ байгуулж  2012 он хүртэл хугацаанд хэд хэдэн удаа нэмэлт хийж нийтдээ “Стандарт банкнаас анх  160,1 сая ам.долларыг авсан байна.  Гэтэл гэрээний үүргээ биелүүлээгүй, мөнгөө төлөхгүй байхаар Стандарт банк  2012 онд Лондонгийн Арбитрийн шүүхэд хандсан. “Эрдэнэт” үйлдвэрээс 86,95 сая ам.долларыг нэхэмжилжээ. Учир нь “Эрдэнэт” үйлдвэр батлан даагчаар орсон юм билээ. Ингээд Лондонгийн арбитрийн шүүхээс манайхыг 51 сая ам.доллар төлөх шийдвэр гаргасан байна. Уг шийдвэрийг манай тал хүлээн зөвшөөрөөгүй. Энэ шийдвэр 2016 оны есдүгээр сарын 20-нд гарсан. Ингээд Английн дээд шүүхэд давж заалдах гомдлоо өгсөн. Давж заалдах эрхээ олж авахын тулд 51 сая ам.долларыг Стандарт банкинд байршуулсан байх ёстой юм билээ. Манайд энэ мөнгийг төлөх боломж байгаагүй.

Мөн Стандарт банк төлбөрөө даруйхан гаргуулах агуулгаар  Английн дээд шүүхэд хандсан юм билээ. Английн дээд шүүх Лондонгийн арбитрийн шүүхтэй адил, бүр хатуу шийдвэр гаргасан. Үүнд арбитрийн шүүхээр тогтоосон 41 сая ам.доллар, хэрэг хянан шийдвэрлэхтэй холбоотой Стандарт банкнаас гарсан зардал гаргуулах эцсийн шийдвэр гаргасан. Ийм учир Ерөнхий сайдын захирамжаар Шадар сайдаар ахлуулсан ажлын хэсгийг 2018 оны наймдугаар сард гаргасан. Үүнд Засгийн газрын бүрэлдэхүүн, хуульчдын  баг орсон.  Ажлын хэсэг хэд хэдэн удаа хуралдсан байна. Английн дээд шүүх “Эрдэнэт” үйлдвэрийн төлбөрийн гүйлгээг царцаах, Стандарт банкны төлбөрийн асуудлыг шийдвэрлэхгүй бол эд хөрөнгийг хурааж авах хүртэл шийдвэр гаргасан байна. Стандарт банкнаас өр төлбөрийг шийдвэрлэхгүй бол гуравдагч  этгээдэд шилжүүлэх бүүр ч хатуу шийд гаргасан.

Ажлын хэсэг эхний ээлжинд гаднын асуудлаа шийдвэрлээд, дараагаар нь дотоодын асуудалдаа орох саналыг Засгийн газарт оруулж, дэмжсэн. Ингээд өнгөрсөн оны наймдугаар сараас өнөөдрийг хүртэл хэлэлцээ хийсэн. Зуучлагчаар дамжуулж яриа хэлэлцээ хийсэн.    Өнөөдрийн байдлаар  40 сая ам.долларыг нэн яаралтай хийвэл асуудлыг шийднэ гэсэн. Засгийн газраас чиглэл өгч,  “Эрдэнэт” үйлдвэрийн эрсдлийн сангаас гаргаж, Стандарт банкинд 40 сая ам.долларыг шилжүүлсэн. Нөгөө тал хүлээж авлаа, асуудал шийдэгдлээ гэдгээ нөгөө тал бичгээр ирүүлсэн. Одоо гадна талдаа асуудалгүй хэмээлээ. Тэд мэдээлэл хийснийхээ дараа сэтгүүлчдийн асуултад хариулав. 

-"Эрдэнэт" үйлдвэр хичнээн хохирол амсаж байна вэ?

Шадар сайд Ө.Энхтүвшин:

-Хоног хоногоор хүү, алданги явж байгаа учир шуурхай ажиллах болсон. 

"Эрдэнэт" үйлдвэрийн захирал Х.Бадамсүрэн:

-"Эрдэнэт" үйлдвэрийн хувьд Эрсдлийн сан байсан. Энэ сангаасаа 40 сая ам.доллараа төлсө. Энэ төлбөрийг хийснээс "Эрдэнэт" үйлдвэрийн мөнгөний бодлого, санхүүд сөрөг нөлөө үзүүлэхгүй.  Үүнээс болж "Эрдэнэт" үйлдвэрийн үйл ажиллагаанд догдолдол үүсэхгүй.

-"Эрдэнэт" үйлдвэрийн Эрсдлийн сан хэр хөрөнгөтэй вэ?

-Энэ нь компанийн нууц байдаг. Манай үйлдвэр дотооддоо ч, гадна талдаа ч өрсөлдөгчтэй. Тийм учраас энэ сангийн хөрөнгийг дотоод асуудал учир хэлэх боломжгүй. 

-Буруутай этгээдүүдэд ямар хариуцлага тооцох вэ?

Шадар сайд Ө.Энхтүвшин:

-Буруутай этгээдүүдэд ямар хариуцлага тооцохыг шүүхээр шийдвэрлэнэ. 

Н.Энх