Хойд Солонгосын залуу удирдагч Ким Чен Ун улсынх нь эсрэг эдийн засгийн хориг арга хэмжээ авч, шахан гадуурхаж буй орнуудын удирдлагуудад хандан анхааруулга хүргүүлсэн талаар тус улсын төрийн мэдлийн "KCNA" агентлагийн цахим хуудаст нийтэлсэн байна. 

Удирдагч "Хойд Солонгосын эсрэг хатуу хориг тавьж буй орнуудад хатуу арга хэмжээ авах болно. Мөн хэзээ ч уучлахгүй" гэж хатуухан мэдэгдлээ.

Тэрбээр мөн  эрх баригч намдаа "дотооддоо түшиглэх" бодлогыг эрчимжүүлэх өгсөн гэж албаныхан уламжлав. 

Хойд Солонгост шинээр сонгогдсон парламентын гишүүд өнөөдөр анхныхаа чуулган уулзалтад оролцож буй юм. 

Уг уулзалтаар Хойд Солонгосын эдийн засгийн өөрчлөлт, томоохон бүтээн байгуулалтын талаар хэлэлцэхээр болжээ.

ТРАМП, КИМ нарын хоёр дахь уулзалт хэдий зөөлөн уур амьсгалтай болсон ч уулзалтын төсгөлийн үеэр удирдагчид харилцан тохиролцоонд хүрч чадалгүй нутаг буцацгаасан билээ.

Б.Дэлгэрцэцэг